Video
Read full review
2018-05-11
2522 views
因為臨近母親節，所以特登請媽媽食自助餐。岩岩好經openrice訂有6折，所以揀左呢間。但要注意一下，我午餐訂1點半食先有6折，但佢2點半就截左，變相得1個鐘食，提提大家可以俾75折既價錢早少少食。雖然平日黎，但人都好多下。一開始先食冷盤，去左刺身吧同海鮮吧搵食。但整體海鮮唔算太新鮮。生蠔冇肉唔鮮，我同媽食左一round已經唔想再攞，佢有專人開蠔，每次每人限攞3隻。其他冷藏海鮮得4款，蜆，青口，螺同蝦，我只攞左蜆同青口，媽食左蝦同螺，唔要求好高其實就ok。刺身種類唔多，只有3-4款，有專人切俾你，我只食左三文魚同希靈魚，味道還好，唔算最新鮮。媽媽食左立魚嚇親，雪到冇哂味除左海鮮吧，前菜整體冷盤前菜仲有沙律吧，有經典沙律菜羅馬生菜，火箭菜等等可以揀，仲有啲配料如粟米，紅腰豆，醃三文魚同兩款醃肉等等可配，醬汁有3款，千島醬等等，沙律吧整體算乾淨。我只推介下面呢樣，三色豆磨菇沙律，有營養高既鷹嘴豆混合入蘑菇，粟米同紅腰豆入邊，有先調味，香草味唔太濃岩岩好，有營之選。前菜，仲有湯同麵包區，但我完美無視，記得有南瓜忌廉湯同冬瓜煲唐排。麵包直頭冇望，食自助餐冇理由食一埋包去削弱自己個胃既戰鬥力。野
雖然平日黎，但人都好多下。
一開始先食冷盤，去左刺身吧同海鮮吧搵食。但整體海鮮唔算太新鮮。生蠔冇肉唔鮮，我同媽食左一round已經唔想再攞，佢有專人開蠔，每次每人限攞3隻。其他冷藏海鮮得4款，蜆，青口，螺同蝦，我只攞左蜆同青口，媽食左蝦同螺，唔要求好高其實就ok。
冷盤
37 views
0 likes
0 comments
刺身種類唔多，只有3-4款，有專人切俾你，我只食左三文魚同希靈魚，味道還好，唔算最新鮮。媽媽食左立魚嚇親，雪到冇哂味
刺身
62 views
0 likes
0 comments
除左海鮮吧，前菜整體冷盤前菜仲有沙律吧，有經典沙律菜羅馬生菜，火箭菜等等可以揀，仲有啲配料如粟米，紅腰豆，醃三文魚同兩款醃肉等等可配，醬汁有3款，千島醬等等，沙律吧整體算乾淨。我只推介下面呢樣，三色豆磨菇沙律，有營養高既鷹嘴豆混合入蘑菇，粟米同紅腰豆入邊，有先調味，香草味唔太濃岩岩好，有營之選。
三色豆磨菇沙律
51 views
0 likes
0 comments
前菜，仲有湯同麵包區，但我完美無視，記得有南瓜忌廉湯同冬瓜煲唐排。麵包直頭冇望，食自助餐冇理由食一埋包去削弱自己個胃既戰鬥力。
野飲區係自己調製，有得自己整凍檸茶，甜度可以自己揀。
到熟食區，有大類肉食，岩哂meat lover。媽媽每樣攞左一舊試，普遍肉類味道正常，唯獨三文魚頭好鹹，仲有雞件好鞋口，其餘ok。
熟食，肉類
28 views
0 likes
0 comments
好彩有媽媽試食完，我就可以重點出擊，眾多熟食只推介下面呢樣，野菌黑椒牛柳粒。有幾種菇同青紅椒炒，黑椒味唔會太辣，鹹度岩岩好，牛柳粒炒得仲有肉汁，上枱菜式仲有熱度。
野菌黑椒牛柳粒
42 views
0 likes
0 comments
另一樣我揀左既熟食係燒肉眼，但我極度失望，肉眼燒得過老，冇哂肉味，而且係好鞋口，咬唔開。反而旁邊既蔬菜好食，雞脾菇同翠玉瓜燒得岩岩好，食落仲有蔬菜既水份同甜度，亦冇過分調味，食得出只係落左少少鹽。
燒肉眼，燒雞脾菇及翠玉瓜
46 views
0 likes
0 comments
熟食吧仲有車仔麵檔，幾款點心同粥檔，但我都無視左。因為冇特別值得推介。媽媽攞左款鮑魚粥，試食一啖，味道相當清淡。
去到甜品，款式都算唔少，有唔少西餅類既甜品，但本人唔太食甜品，所以冇試好多，但媽媽攞左一大堆，話唔算好甜，幾好食，但生果佢就覺得唔新鮮。有朱古力噴泉，可以拮黎點既有兩款生果，蜜瓜同菠蘿，一款手指餅同綿花糖。
最令我驚艷係自助pancake，有得食又有得玩，一個製就可以自己整出黎，出黎既pancake甜度剛好，夠熱同軟，仲可以自己加配料。
自製左兩次，兩次都伴雪糕。雪糕有5款揀，士多啤梨，抹茶，朱古力，溫呢嗱，曲奇口味，我食左一次抹茶一次士多啤梨。兩次都揀左草莓醬，另外有普通糖醬同朱古力醬。仲有一大堆軟糖可以加，我冇加到。
自製pancake伴雪糕加朱古力手指
41 views
0 likes
0 comments
至於服務方面唔錯既，員工換碟率快，基本上一食完你出左去攞野返黎就會幫你收左碟，雖然唔太環保，但可避免生熟食物混埋而引致交叉感染。但出到去食物枱，如甜品區，要等一陣先會有人理你，幫你攞野，尤其雪糕都等左幾耐下。
整體黎講我覺得最好有折先黎食，原價食唔推介都唔抵。因為一食物款式唔多，二有好多回本食物都唔太新鮮，如生蠔同刺身類，三冇特色推介食物，料都係一般自助餐有既菜式或食物。係甜品區水準同出邊一樣，自助pancake亦係亮點所在。
Post
