新牛屋餐廳 (Closed)

今晚同媽媽來到佐敦吃飯本身要去牛屋餐廳食飯，點知去錯左間「新牛屋餐廳」坐底發現扒類選擇唔多，價錢都偏貴本身諗住貴有貴食 可能質素好好呢點知要左份扒龍脷柳配大蝦 $158上枱真係o左。。。所謂大蝦係普通開邊蝦塊龍脷柳仲難食過大家樂嘅lol肉質淋patpat塊安格斯牛肉 $198都好食d但感覺唔值呢個價有啲肉位食到有筋，咬唔爛餐湯包羅宋湯/忌廉湯想特別d轉碗海龍皇海鮮湯，要加$20明明餐牌忌廉湯同海鮮湯只差$5。。。咁都算，黎到又係白雪雪嘅忌廉湯？多左隻雪藏蝦同咬唔爛嘅青口。貴$20值唔值得真係自己諗隨餐附送嘅炸春卷，油到一個點，食落成口油，又無乜餡，得幾條菜絲。$60一碟金菇西蘭花，味道普通又貴，份量又少，唔抵食。整體感覺麻麻地，食物一般，環境太暗，店員態度一般，仲要加一服務費呢餐要成$480，真係覺得超唔抵食，呢個價錢有更多更好選擇，下次唔會再黎食。