Pizza Maru (荃新天地)

Open Now

Now Closed

今日韓國菜癮起，好想食炸雞，知道荃灣開左間新派韓國菜，於是黎試下。1. 凱剎沙律沙律菜非常新鮮爽脆，沙律醬都調得幾好食，配搭炸多士，口感非常有層次。2. 泡菜海灣泡菜、海鮮，配搭薄餅，成個組合都幾新穎，而且味道非常唔錯，泡菜嘅酸同辣，同海鮮相當配搭，呢個做得唔錯。但一份Pizza定價$190 ，性價比高低就真係見仁見智3. 蒜香牛油炸雞炸雞炸得皮脆肉嫩，但有兩點問題，第一醬汁唔係太足夠，食咗兩三件之後，其餘嘅炸雞已經冇乜醬汁；第二個問題係份量太少。同Pizza嘅情況相近，一份定價大約$130嘅炸雞，但只有6件，相對來講份量的確偏少。總括來講，餐廳食品質素唔錯，幾款菜式都係好食，但定價真係有點進取，都係嗰句，性價比高低就見仁見智。