金記冰室 (創紀之城五期(apm)) (Closed)

中午一點半去到，啱啱有位。用app叫野食，記得上次幾個月前去個app 有bugs ，今次去好明顯enhanced 咗，幾好幾好，十分方便。叫咗個餐，有黑松露炒蛋，d蛋勁滑。蒜蓉多士也脆，有一粒車厘茄。雞絲麻辣米線，個app已經有曬多辣少辣選擇，我選了多辣，好正，雞絲好滑，雖然明顯雪藏雞絲，但個種滑好正。最驚喜係，有谷咕飲！！！真係而家好少有！app上仲可以選轉煉奶，多奶少奶⋯⋯好正呀喂！為了谷咕再去食絕對合理！埋單六十幾，又多野食，米線又可以大辣，仲竟然有谷咕！上乘也！