Cha:rm

Open Now

Now Closed

朋友生日飯，指定要黎呢間韓國餐廳!好幾個月前食過一次，記得味道OK，而且仲係OPPA 主理，感覺好似幾正宗。餐廳裝修簡單，只係牆身掛左啲畫，感覺比較輕鬆！一坐低，每枱都會送一小碟泡菜做前菜，味道正常，無乜特別!之後叫左一個什錦炒粉絲$48，韓國粉絲Q彈有咬口，另外配埋少少牛肉同雜菜一齊炒，但算足料，但我略嫌佢有太多過生的洋蔥同紅蘿蔔絲。因為我自己比較鍾意淋身嘅洋蔥嘅，類似吉野家牛肉飯入面啲洋蔥咁就好啦!另外叫左一個泡菜紫菜飯卷$48，由於成個飯卷有一半食材都係太生的紅蘿蔔絲, 所以我食左一舊之後就放棄左...泡菜煎餅$45 粉比較多，泡菜較少，而且我嫌佢煎得唔夠乾身，食落無左嗰種香脆感。最後係呢個嫩豆腐鍋$65，豆腐滑身，湯底味道濃郁，但好似味精味太重!總括而言，我覺得整體水準無之前咁好食! 而且明明我地枱面仲食剩好多野，只係停左手抖緊，佢地就係咁問我地啲野係咪食完，擺明要趕我地走咁有冇下次都好成問題！