雅高·33

Open Now

Now Closed

阿女今日要去左荃灣交收，突然想起朋友介紹雅高·33餐廳食物唔錯，所以約埋我過嚟食晚飯。餐廳裝修簡潔，主打西式和意大利菜。晚市套餐有多款選擇，每款奉送餐湯及蒜蓉包。黑松露忌廉蘑菇湯，入口香滑濃郁，蒜蓉包香脆可口。香草烤春雞半隻配薯菜：春雞已經預先醃好，之後即叫即烤，熱辣辣上檯，食落有濃濃嘅香草味，雞皮脆口，肉質鮮嫩入味，配特製醬汁好惹味，薯角亦都好脆口。吉列豬扒焗飯，大大塊吉列豬扒炸好放上飯面再加上醬汁焗成。豬扒外脆肉嫩，加咗醬汁的飯略為濕潤，十分美味。白雪公主是雲尼拿雪糕加雪碧，上面又甜又滑的雪糕, 下面是有氣而帶點酸酸地的汽水,味道特別，不防試吓。