Video
Read full review
2023-08-17
228 views
真係勁失望同好唔開心！我從來唔會去打評論任何一間餐廳！但我希望想試嘅人真係要三思！！！希望大家睇晒！我係同朋友慶生，睇到呢間野好多好評，又有打卡位，決定試呢間。點知勁失望勁唔開心！首先：成間餐廳得一個人做野（應該係老闆娘）每出一樣野食平均等9個字以上！點解唔請多個人做野？等咁耐，價錢又咁貴，咁啲食物應該要好好食啦係咪？好啦，食物方面：個老闆娘係咁大推佢果個咩白酒煮蜆，好啦，個蜆大粒係大粒，但腥嘅！係勁腥！仲要係唔熱架！個蒜蓉包仲要係凍架！咁樣要$288？原先想嗌佢個串燒拼盤，佢又話有幾樣野食都冇！？佢話叫我地散嗌，咁散叫咗燒帶子、燒魷魚、同燒牛肉啦，佢個串燒拼盤$288（我見到除咗帶子，仲會有煙肉、腸仔、薯條，呢啲咁basic嘅野都話冇）我地散嗌都$224，都唔緊要，啲串燒唔覺佢有燒過，似係烚熟咗求其灑啲調味料上去架咋！個帶子係雪藏嘅，燒牛肉冇牛味，點樣做得出架？？仲有佢個tiramisu，應該係自家製嘅，見到有隻蟻係隻碟到爬！味道正正常常囉，唔係啲人講到有幾正有幾滑，同埋我食唔出好濃厚嘅咖啡味囉，只係好普通嘅一件cake，真係$68都俾多佢，件野仲要收$168？？仲有個生日寫字係碟冇
我係同朋友慶生，睇到呢間野好多好評，又有打卡位，決定試呢間。
點知勁失望勁唔開心！
首先：成間餐廳得一個人做野（應該係老闆娘）每出一樣野食平均等9個字以上！
點解唔請多個人做野？
等咁耐，價錢又咁貴，咁啲食物應該要好好食啦係咪？
好啦，食物方面：個老闆娘係咁大推佢果個咩白酒煮蜆，好啦，個蜆大粒係大粒，但腥嘅！係勁腥！仲要係唔熱架！個蒜蓉包仲要係凍架！咁樣要$288？
原先想嗌佢個串燒拼盤，佢又話有幾樣野食都冇！？佢話叫我地散嗌，咁散叫咗燒帶子、燒魷魚、同燒牛肉啦，佢個串燒拼盤$288（我見到除咗帶子，仲會有煙肉、腸仔、薯條，呢啲咁basic嘅野都話冇）我地散嗌都$224，都唔緊要，啲串燒唔覺佢有燒過，似係烚熟咗求其灑啲調味料上去架咋！個帶子係雪藏嘅，燒牛肉冇牛味，點樣做得出架？？
仲有佢個tiramisu，應該係自家製嘅，見到有隻蟻係隻碟到爬！味道正正常常囉，唔係啲人講到有幾正有幾滑，同埋我食唔出好濃厚嘅咖啡味囉，只係好普通嘅一件cake，真係$68都俾多佢，件野仲要收$168？？仲有個生日寫字係碟冇同我講過要另外收錢，最後張單呢個tiramisu係要$188！
仲有叫咗佢個咩有機疏菜烤雞半隻啦，我地一坐低就落定呢個先，因為佢話要焗45分鐘，咁ok la，咪照等，點知等咗成個鐘，佢話隔離枱果個好肚餓，俾佢地先，話已經焗緊第二隻都係爭10分鐘左右，咁我見都係爭10分鐘，而隔離枱又一樣野食都未有，咁咪俾佢地先，點知再等都係半個鐘以上！
而呢個一等再等嘅烤雞，終於熱熱地嘅！
但只可以話對比其他味道係比較好，肉都真係滑嘅，係咪無激素我都唔知喇。而佢果啲有機蔬菜都係一條秋葵、一片黃及紅椒、一塊茄子、兩片蕃茄only，係咪有機我就唔識喇，啲汁勁奇怪，求其灑啲醋咁啦。呢個只係正常，你地睇相果4件仔有冇半隻雞係到？值唔值$308就見仁見智啦！
仲有佢果兩杯野飲，我原本見到係玫瑰花冰同熊仔冰先嗌，佢大推sai kung rose 同mojito，咁我都係為咗個造型冰姐，咁是但啦，點知黎到兩杯都係玫瑰花冰，可能溝通上出錯啦，冇俾到熊仔冰，同埋杯野飲兩杯都係得個酸字，飲唔出有其他味，$98一杯。飲杯酸汁咁。
環境方面，你話價錢咁貴食個景？冇海景，冇靚景，咁我覺得佢室內真係茶餐廳feel，只係室外有個打卡位有啲燈可以影下相，影完幾張相都唔會再出去，夏天咁熱唔會坐室外，又熱又焗又多蚊。
佢表面係任坐唔趕你，但係因為佢出菜極奇慢，你冇得唔坐咁耐！7:15入座，到10點先可以離開，我地都只係食咗3-4樣野！好似食緊法國大餐咁！法國大餐嘅時間價錢，但唔係高質囉！
唯一覺得好少少嘅野，係個老闆娘算幾好服務態度，但都唔可以令我包容到咁嘅食物質素，
唉！
我仲要係同朋友慶生，大家都食得好唔開心，令到朋友過咗個*難忘*嘅生日！
可以價錢貴，但食物質素真係要對得住個價錢吖！佢open rice個價錢寫$100-$200，係咪打少咗個零？真係覺得自己水魚咁，埋單$1325真係當交智商稅！想試嘅人三思呀！
Post
