鳴 Fusion (Closed)

睇到有團購優惠(以星期日晚市黎講，其實同正價比較都唔係平好多)，我地6點到場，係食3個鐘，坐底全場大約只有20人，已經拿拿聲，5分鐘內落第一單，但等左好耐都未有任何食物到，半個鐘忍唔住追單，全場只見兩個侍應，叫到一個黎講，佢都話幫我睇睇，轉頭見佢疑似行去入單，再番黎同我講，等一等，好快會到，結果第一碟蒜蓉焗什菌到枱，係6:51⋯⋯之後黎左幾碟都細細碟既熱食，已經等到4個人都忟，完全無mood影相，再等再等，終於6:58先黎第一碟刺身，餓到一個點，4個唔洗3分鐘就清左成碟，後尾先開始黎番多少少野食，前後已經落左4張單，因為見佢慢，就15分鐘落定一張，但漏單情況都好勁，好多點左都無見過，如：牛肉鍋、燒雞翼、燒翠玉瓜、南瓜天婦羅.....其實食物質素大都幾好，刺身夠新鮮，三文魚、甜蝦、馬刀貝、油甘魚、蠑螺片，三文魚仲係厚切油花靚，唔會紙咁薄，蒜香牛肉、牛舌、炸雞軟骨、串燒海蝦、芝士年糕、金菇牛肉卷全部都幾好食，但海老天婦羅，啲蝦就完全無味。飲品雪糕都唔係普通野。刺身狂迷，4個人食左4大碟刺身，好彩最終食得飽，起初見佢上菜咁慢，真係驚3個鐘都唔飽，話就6-9，但8點截單。總括，我諗係睇你彩數，