Lockeroom Dining (譽發廣場) (Closed)

小編同朋友今次來到油麻地一間好出名嘅特色餐廳，係以足球為主題，名字叫Lockeroom，嚟之前都擔心主題餐廳在食物質素會比較差。餐廳環境有心打造，室內掛着阿仙奴球員的簽名球衣，地板扮綠色草地，櫈係紅色，餐碟都係足球圖案。食物方面，以西餐為定位，有前菜小食，有意大利飯或麵，有主菜，有甜品。小編今次叫咗一個意大利飯同一個主菜，食後真係有啲失望，下次不會再嚟。🌹煙三文魚帶子南瓜汁意大利飯其實餐牌上寫嘅係意大利麵，落單都係意大利麵，但最後嚟嘅係意大利飯，真係好奇怪。帶子有烤香，算嫩同多汁，但帶子得一粒，好似少咗啲。味道方面算可以，不過南瓜味比較淡可以重啲，煙三文魚份量亦比較少，最差嘅就係整體味道偏咸，唔達標。🌹美式燒烤醬黑毛豬肋骨排這個肋骨排非常唔掂，肉質好粗好韌，小編基本上要九牛二虎之力先可以切開，味道係燒烤醬，但好似同嗰肋骨排格格不入，醬還醬，骨還骨，仲有肋骨排烤得唔香，完全唔達標。🌹朱古力三重奏心太軟這個心太軟算可以，因為朱古力好難唔好食，但嗰三重奏係乜？