發記腸粉粥品 (Closed)

粥多數自己煲比較少買，所以通常都係買蘿蔔糕，腸粉同油炸鬼，油炸鬼佢係可以買半條嘅，呢個非常之好，咁就可以食少少同試多啲其他嘢。食物質素，蘿蔔糕不嬲都好食，價錢平大碟又厚身，腸粉皮唔算厚幾好味，油炸鬼就未必夠熱，不過返嚟自己再焗熱都唔錯。元朗有幾間分店質素大家都差唔多，但唔知點解呢間啲服務態度好差，已經唔係一次，係多次，以前都唔係咁，近呢大半年就係咁，每次打去叫外賣，通常我都會重複一次叫嘅嘢，因為驚有錯，佢就大大聲好惡，之後唔講嘢就收你線，唔知係咪我叫啲嘢少佢唔鍾意，佢咁嘅態度真係想趕客。