De Salsa by Reserva Iberica (Closed)

Item: De Salsa by Reserva Iberica
Rating: 4
Author: TracyLoveLiving

4.5

45 Reviews

Taste

Decor

Service

Hygiene

Value

2574

Tai Wai

$101-200

Western

TracyLoveLiving

Level4

248

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗朋友 gathering 諗住去圍方，我未去過，朋友拋咗幾間選擇出嚟，大家最後決定試呢間西班牙餐廳。餐廳都幾闊落，睇得出裝修有落過心思，有幾幅牆畫，水吧嘅特色磚牆、座位 cushion 同埋燈飾都有配搭過，唯一覺得有少少攪笑嘅係門口零售 corner 放咗幾隻毛公仔，完全唔知點解？！🍴即焗香脆西班牙乳豬 1/2（$798）呢個都幾大份，乳豬皮好香脆，亦醃到啱啱好，有鹹香味又唔會覺得鹹，就咁食都唔會太油膩，肉質易咬開夠爽口，好味！🍴西班牙傳統點心（$298）係九宮格 presentation，幾精緻。中間係西班牙凍湯、另外有西班牙小辣椒、伊比利亞火腿、青橄欖配醃製蕃茄、炸魷魚圈、西班牙式薯仔蛋餅、伊比利亞火腿薯粒、西班牙手工脆包配芝士及薯仔粒，呢個啱晒想打卡同埋每樣 Tapas 試少少嘅人，比較啱兩個人 share。西班牙凍湯好滑，酸酸哋好 fresh！炸魷魚圈嘅炸皮唔太厚，青橄欖配醃製蕃茄好清新開胃，薯仔蛋餅略為硬咗少少，整體上唔錯嘅～🍴香蒜辣椒大蜆（$140）如果唔食得辣嘅人可能會覺得辣，我覺得蒜味同辣味令到大蜆幾惹味，蜆係中 si

Read full review

🍴即焗香脆西班牙乳豬 1/2（$798）
呢個都幾大份，乳豬皮好香脆，亦醃到啱啱好，有鹹香味又唔會覺得鹹，就咁食都唔會太油膩，肉質易咬開夠爽口，好味！

🍴西班牙傳統點心（$298）
係九宮格 presentation，幾精緻。中間係西班牙凍湯、另外有西班牙小辣椒、伊比利亞火腿、青橄欖配醃製蕃茄、炸魷魚圈、西班牙式薯仔蛋餅、伊比利亞火腿薯粒、西班牙手工脆包配芝士及薯仔粒，呢個啱晒想打卡同埋每樣 Tapas 試少少嘅人，比較啱兩個人 share。西班牙凍湯好滑，酸酸哋好 fresh！炸魷魚圈嘅炸皮唔太厚，青橄欖配醃製蕃茄好清新開胃，薯仔蛋餅略為硬咗少少，整體上唔錯嘅～

🍴香蒜辣椒大蜆（$140）
如果唔食得辣嘅人可能會覺得辣，我覺得蒜味同辣味令到大蜆幾惹味，蜆係中 size，蜆肉唔算太瘦，煮到啱啱好。

🍴 松露麵包糠烤羊架（$298）
羊架叫咗 medium，有兩件，烤得唔錯，肉質唔錯，唔算太覺有松露味。

🍴 招牌西班牙海鮮燉飯 11"（$498）
話說，有朋友嚟食過一次，佢分享上次食過肉之盛宴西班牙燉飯，覺得唔好食，所以我哋今次叫海鮮。份量都幾多，有4隻大蝦、魷魚，大蜆同青口係隔住排滿成條邊，因為之前嘅食物都好好食，見到咁嘅畫面好難唔期待！點知一食落去，飯味有少少唔湯唔水，顏色夠但冇咩 paella 風味，中間嘅飯有丁丁唔熟，魷魚同大蜆煮到過晒火好乾，還好鍋邊係有少少飯焦，大蝦夠新鮮，整體上唔算好食，如果總結朋友同自身體驗，呢個燉飯可能要改善吓，如果叫做招牌菜呢... 就真係有D 攪笑～

🍴Dancing Sangria（$168/Jar）
呢款係 red wine base 嘅 Sangria，如果幾個朋友唔係飲太多酒，叫呢個share 係好選擇。店員有問我哋要幾多隻杯，然而，原來唔單止係俾隻杯我哋，每隻杯都放有咗生果粒同冰，呢個安排係好細心同抵讚👍 Sangria 嘅果味同酒味調配得好好，好飲！4-6人飲每人至少有大半杯，仲可以添飲一D，份量好足！