吉壽日本料理 (Closed)

呢間吉壽放題真係唔錯，值得同大家推介，食物質素好，招呼一流。我地幫襯星期日中午放題，因為有訂枱所以去到唔使等。 講食物之前真係要讚咗呢度啲侍應先，負責我嗰區嘅待應個個都好有質素，態度好，有笑容，又夠主動。比如有個見我哋食得慢，盤刺身啲冰開始溶，好好咁嚟提一提我哋要快少少食左盤刺身先，怕易變壞至於食物，一定要提佢個花膠，黃金焗帶子同埋炸榴槤，呢3樣真係無敵，食完第一 round 要再 encore 一份花膠起碼有4-5條，煮得好林，好滑。食完當堂覺得自己皮膚滑咗，我一個人就食咗兩碗喇 黃金焗帶子又係超吸好味， 佢嘅醬汁有啲似芝士加沙律醬， 勁好味，好味到我連D汁都撈曬 炸榴槤真係好驚喜。外面炸到金黃色成粒長洲魚彈咁，望到都已經覺得好靚。一啖咬落去，層皮煙煙靭靭，裏面的榴槤肉好似想湧出嚟咁，皮同果肉嘅味道同口感都好夾。新鮮榴槤肉質好滑，味道好香甜，榴槤愛好者一定要食，保証上癮 其次要提魚生剌，好新鮮，超鮮甜，真心推介油甘魚同希靈魚~ 仲有燒雞翼，比目魚，燒菠蘿，炒什菜，紅油抄手，燒鰻魚，天婦羅，燒牛舌… 樣樣都好好味。至於羊鞍，如果有埋薄荷醬就更正。食物選擇真係太多，試吾曬，所有飯類同麵都