Video
Read full review
2023-02-15
898 views
住係港島區嘅我，唔好話新界，就算九龍都唔多去🤣今日大長征，入咗去朗屏。 以前有朋友住元朗，加上做嘢嘅關係，都有去過元朗，不過真係一次起兩次止。 今日朋友帶路去食好嘢 😋喺網絡見到哩間餐廳個名好得意，啲食物睇落都唔錯，決定去試下！餐廳位置喺內街，唔算難搵，由地鐵站大約行5分鐘左右就到。因為預先訂位，到步後就可以立刻入座。 週末有brunch set，如果想單點可以問職員拎餐牌。 我哋只係叫咗一份餐，單點咗豬手、沙律同小食。 即使唔係叫set，每人都會送一碗餐湯。風乾火腿沙律 ($88) 沙律菜上面鋪咗火腿同芝士碎，火腿份量好多，唔係一片鋪面，有3～4片，好有誠意。 沙律醬亦都好夠，每啖都食到沙律醬。美國頂級西冷牛扒 ($158)跟餐進加一份水牛城雞翼 (3隻) ($38) 牛扒配薯條同沙律菜一齊上，牛扒大細約一隻手左右大，3個人分，每人都可以食到兩件。 落單時，要求5成熟，可惜⋯⋯連少少紅色都無⋯⋯😨接近全熟嘅牛扒，肉質好淋，個感覺唔太新鮮。反而薯條炸到好脆，好香口。 水牛城雞翼都做得好好，熱辣辣，同樣脆口。脆炸黃金雞翼 (6隻) ($68)睇到食評，好多人讚黃金雞翼。 當職員係廚房拎出
以前有朋友住元朗，加上做嘢嘅關係，都有去過元朗，不過真係一次起兩次止。
今日朋友帶路去食好嘢 😋
喺網絡見到哩間餐廳個名好得意，啲食物睇落都唔錯，決定去試下！
餐廳位置喺內街，唔算難搵，由地鐵站大約行5分鐘左右就到。
因為預先訂位，到步後就可以立刻入座。 週末有brunch set，如果想單點可以問職員拎餐牌。
我哋只係叫咗一份餐，單點咗豬手、沙律同小食。 即使唔係叫set，每人都會送一碗餐湯。
風乾火腿沙律 ($88)
沙律菜上面鋪咗火腿同芝士碎，火腿份量好多，唔係一片鋪面，有3～4片，好有誠意。 沙律醬亦都好夠，每啖都食到沙律醬。
美國頂級西冷牛扒 ($158)
跟餐進加一份水牛城雞翼 (3隻) ($38)
牛扒配薯條同沙律菜一齊上，牛扒大細約一隻手左右大，3個人分，每人都可以食到兩件。
落單時，要求5成熟，可惜⋯⋯連少少紅色都無⋯⋯😨
接近全熟嘅牛扒，肉質好淋，個感覺唔太新鮮。
反而薯條炸到好脆，好香口。 水牛城雞翼都做得好好，熱辣辣，同樣脆口。
脆炸黃金雞翼 (6隻) ($68)
睇到食評，好多人讚黃金雞翼。
當職員係廚房拎出嚟嗰一刻，已經感受到佢嘅魔力，遠遠就聞到香味。 黃金雞翼要趁熱食，外皮沾滿蛋黃，炸到好香脆，真心推薦。
脆炸德國豬手 ($198)
最後，滿心期待嘅豬手終於到啦！
豬手同樣有薯條同沙律菜伴碟，不過一落刀就出事，豬手好硬，食落仲好乾😟
最後個豬手放喺度好耐，都唔係好想再處理佢。
相比之下，好似小食做得較為出色。，不過我諗都無下次啦⋯⋯
Post
