慢理牆城

Open Now

Now Closed

油麻地人氣餐廳，高樓底由木架牆以及綠油油包圍，有唔少公仔裝飾，環境舒適。而食物方面，價錢唔平，但賣相幾靚，份量足料，性價比都唔錯。① 羽衣甘藍牛油果沙律配黑醋汁 $98好多菜，中間一朵牛油果花，賣相砌得幾靚。② 慢落豬 $268慢煮西班牙冰花酸梅黑毛豬串燒配甜蕃薯條呢3串黑毛豬都幾有份量，每粒豬肉都好大粒，望落都好有光澤，食落都幾好味。③ 牆城小食拼盤配自家製蛋黃醬 $168美式甜辣香脆雞翼，德國腸，脆炸薯條，甜蕃薯條，馬蘇里拉芝士條，三角流心芝士可能因為有薯條同蕃薯條的關係，呢個小食拼盤都幾飽肚，好豐富。不過每樣得2件，所以都似係預二人分享。④ Come芒，占士 $88三層芒果牛奶呢個幾有玩味性，店員教呢個方法，一邊倒芒果汁落去，一邊睇住奶泡升起，牛奶中層滲出淡淡黃色，視覺上已經值回價錢。飲落唔算特別，但都唔錯阿。