醬缸韓國料理

Open Now

Now Closed

8月10號晚book咗7:30入座用餐時間90分鐘到9點，點左醬油蟹，炒年糕，豬肉泡菜鍋，海鮮煎餅。醬油蟹兩隻蟹好細，冇乜蟹膏同埋唔入味好淡味同上次食差好遠，仲要收三百幾加埋一$400兩隻好細隻性價比低。炒年糕，OK正常好味。豬肉泡菜鍋，都冇乜豬肉，剩係得泡菜同豆腐麻麻哋。海鮮餅， OK好食海鮮餅底煎得好脆口。整體用餐體驗好差，我哋食到一個鐘頭8:30已經攞張單嚟叫你埋單，跟住個男仔已經幫你執枱，當時碟炒年糕都未食，完佢隻手已經攞住隻碟問你仲要唔要？同埋同你講嘢嘅時候佢係唔係望住你，黑口黑面，講嘢倔擂槌，完全冇服務態度，只係想快啲收嘢執枱及下一輪客人。另外去屢次洗手間，問佢要不要鎖匙他說不用，我話敲門冇人應，佢話應該有人喺入邊，但係等咗好耐10分鐘敲門都係冇人應，我覺得係佢哋鎖咗道門唔俾客人入去女廁所用，你買咗單唔等得就走先啦，淨係比佢哋員工自己開鎖匙時用囉，完全冇意思幫你。用咁嘅價錢同服務態度，整體用餐體驗非常差冇下次。