日牛涮涮鍋專門店 (Closed)

冬天天氣凍，同一家人諗住食下火鍋，飲下汽水享受下天倫之樂。一入去就發現枱面太過擠迫，冇足夠位置放置食物，令到全程食得好擠迫。我地就點左最貴既套餐嚟食— 霜降日本黑毛和牛連任食海鮮和牛嚟到既時候，覺得賣相還可以，但係食落嘅時候就發現和牛肉質太，同普通火鍋牛肉無分別。個人覺得最主要原因係因為牛肉曾經解凍後再雪藏，令到和牛嘅鮮味冇咗，肉質變差。因為個套餐可以任食海鮮，我哋就叫咗待應幫手再加海鮮，由第一次加等大概15分鐘，到第二次等大概30分鐘。途中請侍應跟進食物加單時，侍應竟然露出不屑嘅樣貌叫我地等下，話廚房需要處理。結果到埋單一刻才送上，令人感到失望。個人覺得員工整體態度差，食物處理一般，未來不會再食日牛。