Video
Read full review
2024-03-12
129 views
1. 職員服務態度及辦事能力欠奉我哋兩個人入座時，佢安排晒所有客坐喺餐廳嘅一邊，留空咗啲卡位，應該係方便晏啲lunch hour多人。本身冇問題，但我哋舉手搵職員嘅時候完全冇人行過，等咗勁耐。嗌完嘢食覺得坐喺風口位太凍，所以問侍應調咗去旁邊張枱。過一陣佢話因為「影響運作」竟然叫我哋調返過去，熄咗冷氣。我感到十分之疑惑，呢個譚仔姐姐都解決到嘅問題，一個西餐廳嘅員工居然因而叫客人調位？最後，我放棄爭論打算起身掉位，個員工大聲喝住我：得喇，唔使調喇！我真係俾呢個服務態度嚇親！2. 凍檸茶遲上又難飲結果，兩杯檸茶仲遲過個餐上，因為個侍應一次過捧三杯出嚟，但係完全唔知邊杯打邊杯，差啲攞住我哋嗰兩杯行走咗，係我哋叫住佢，佢先知係我哋嘅。即係，嗰位員工喝止完我之後，都冇解決到呢個「運作上嘅問題」但結果茶底冇味，檸檬篤極都唔酸，檸茶嚟講真係好難飲。3. 食物偏凍我哋嗌咗一個印度薄餅連飯、雞，同一個手打牛肉漢堡麵薯條。上餐後即刻食，薄餅已經唔熱。5分鐘後食薯條，亦一啲餘溫都冇。4. 漢堡嘅跟餐薯條少得可憐$88嘅漢堡包餐，塊包已經大過嚿牛好多，不過都還好，不過重點都係啲薯條又凍又少5. 牛扒中間有毛
1. 職員服務態度及辦事能力欠奉
我哋兩個人入座時，佢安排晒所有客坐喺餐廳嘅一邊，留空咗啲卡位，應該係方便晏啲lunch hour多人。本身冇問題，但我哋舉手搵職員嘅時候完全冇人行過，等咗勁耐。
嗌完嘢食覺得坐喺風口位太凍，所以問侍應調咗去旁邊張枱。過一陣佢話因為「影響運作」竟然叫我哋調返過去，熄咗冷氣。我感到十分之疑惑，呢個譚仔姐姐都解決到嘅問題，一個西餐廳嘅員工居然因而叫客人調位？
最後，我放棄爭論打算起身掉位，個員工大聲喝住我：得喇，唔使調喇！
我真係俾呢個服務態度嚇親！
2. 凍檸茶遲上又難飲
結果，兩杯檸茶仲遲過個餐上，因為個侍應一次過捧三杯出嚟，但係完全唔知邊杯打邊杯，差啲攞住我哋嗰兩杯行走咗，係我哋叫住佢，佢先知係我哋嘅。即係，嗰位員工喝止完我之後，都冇解決到呢個「運作上嘅問題」
但結果茶底冇味，檸檬篤極都唔酸，檸茶嚟講真係好難飲。
3. 食物偏凍
我哋嗌咗一個印度薄餅連飯、雞，同一個手打牛肉漢堡麵薯條。上餐後即刻食，薄餅已經唔熱。5分鐘後食薯條，亦一啲餘溫都冇。
4. 漢堡嘅跟餐薯條少得可憐
$88嘅漢堡包餐，塊包已經大過嚿牛好多，不過都還好，不過重點都係啲薯條又凍又少
5. 牛扒中間有毛
重點來了 我哋切開個burger兩份食
發現有條毛（粗 似鬚根嗰啲）
個男waiter嚟到 話：不如我送個蛋糕畀你食？
試問邊個會仲有胃口？ 我話：其實我哋唔會再食個burger
佢解釋話：我唔係講緊burger 我係講緊蛋糕 因為我哋想表示歉意所以請個蛋糕你食
佢可能覺得我唔明佢咩意思 又或者會俾件蛋糕打發走？
我直接問佢：你哋會唔會cancel呢個meal？
佢：哦 即係你哋依家有呢個要求喇 係咪？我要問下人先
唔明我做錯啲咩 要受到員工噉樣嘅對待
食物質素差 服務態度差 仲可能存在食品安全問題
冇下次
牛肉漢堡
23 views
0 likes
0 comments
Post
