炯記手撕雞 (汝州街) (Closed)

深水埗真係好多各式各樣嘅嘢食，今日陪男朋友喺呢邊睇完跌打之後，打算搵間餐廳食埋夜晚，見到呢間都幾吸引於是就入去試吓。店舖雖然細但係所有嘢都好企理坐得舒服，呢度嘅招牌係手撕雞同埋燒鵝，於是我哋諗都冇點樣諗就決定嗌呢兩樣。《醬黃豬手撈粗》$50盧厝好有油香味，加埋佢哋秘製嘅XO醬，真係越食越有胃口！豬手真係超級好食，炆得好淋好入味，嚟到一定要試。《棋哥燒鵝撈粗》$50另一款嘅招牌，燒鵝色水勁靚，外皮好薄好脆，入面一啲都唔乾，又無好勁嘅蘇味，好食！跟餐都會奉送佢哋嘅例湯，有家的味道，好清甜，仲有肉入面，好飲。《鴛鴦雞小食》$32當然要食麻辣手撕雞啦，仲有唔辣嘅口味，手撕雞好有咸香，唔dry，不過就唔算特別特別好食，但係都好推薦。《麻辣雞腎》$28份量都幾多，而且細細粒餐前小食來講真係好開胃，好爽口彈牙，正！ 總括嚟講，呢度嘅所有嘢質素都好平均，每一款食物都好食，推薦大家嚟深水埗可以試一試。