夢見屋 (Closed)

夢之屋已經係第二次黎，食過番尋味。因為個人對三文魚有種情意結嘅關係，都係叫左三文魚漬飯。呢度嘅三文魚係煎封，可以保留少少三文魚味，加埋個湯一齊食真係幾正。咁個湯就係豆加薯蓉整嘅。薯仔味好濃，而湯身濃淍，漬飯個湯黎講真係算幾唔錯。另外仲有件豆腐凍食，豆腐幾滑但個汁略咸。wasabi食得出係新鮮磨,有好香既wasabi味，好有驚喜。綠茶雪糕抹茶冰太多，個雪糕幾好食，但外貌黎講，同舖頭外個sample 既差太遠，相機食先嘅朋友唔好比佢sample呃左。最後炸魷魚比較失望，炸得實在同街外嘅分別唔大。炸粉落太多，食唔出魷魚味，得麵粉味，懷疑有翻炸過。整體黎講食物質素幾好，係魷魚美中不足。