孖寶車仔麵 (Closed)

聞名已久嘅孖寶車仔麵，荃灣店座落係荃灣廣場旁邊，都算易搵。下午茶時間嚟到，店裏面零零星星坐住幾個人。下午茶三餸麵$38 ，麵可以轉腸粉，仲包一杯熱飲。呢度嘅特色係冇人埋嚟落單，要自己去櫃檯落單，然後拎住號碼牌返位等上菜。店內環境乾淨整潔，入座前有量體溫，而且店裏播放八九十年代懷舊金曲，幾有氣氛。叫咗三餸麵轉腸粉，餸菜揀咗蘿蔔、雞翼和豬大腸，熱飲要熱好立克。蘿蔔幾甜，冇渣，好食。雞翼算入味，豬大腸幾肥。整體份旦如果可以多d就好。整體來說餸菜幾好。腸粉熱辣辣，但比較油，醬汁好稀，水汪汪，有少少失望。熱好立克夠味，唔似其他餐廳好多水，幾好。