Video
Read full review
2018-10-03
2415 views
經常去呢間酒樓飲茶,但係晚飯就實在少之又少,對上一次嚟呢度食晚飯已經係4,5年前.最近飲茶見到宣傳單張晚餐小菜好似幾抵食,咁咪約親戚嚟食囉.兩支公叫咗三個餸,兩支啤酒,一碗白飯,302蚊又幾抵嘅,不過食物質素就認真麻麻.優惠嘅菜式有五種但係只可以5揀1,就叫咗1/4隻燒鵝.由落單至到上第一樣從用咗半個鐘,如果食物係熱辣辣嘅都冇乜所謂.我都唔會強求係明爐燒鵝,但係最先上嘅燒鵝竟然係凍嘅,真係令人髮指.凍嘅燒鵝皮就自然唔會脆,亦都理所當然唔會有乜野油香,而且肉鞋颯颯,真係唔知係因為隻鵝本身質素差定係因為凍晒先攞出嚟嘅關係.蠔皇北菇炆水魚煲,其實水魚份量都幾夠.最重要既皮雖然未至於好肥美,但係起碼唔算瘦先啦.但係都係相同問題,未至於好似一開始果碟鵝咁凍,但都係有少少涼嘅.明明如果熱辣辣食嗰層皮既話咬落會好甘香,因為溫度問題又浪費咗一種食材.最後一味餸係香辣茄子生蠔煲,有少量冬菇,極多茄子,幾隻生蠔.所謂嘅生蠔比蠔豉大少少啦,好彩一啲都唔腥,每人都分到大約兩,三隻既.不過香辣就欠奉喇.呢個價位嚟講唔算太差,比較平嘅價錢忠實咁樣反映到比較低嘅質素.但係出面物超所值嘅餐廳何其多,我又洗乜再嚟呢一間
優惠嘅菜式有五種但係只可以5揀1,就叫咗1/4隻燒鵝.
由落單至到上第一樣從用咗半個鐘,如果食物係熱辣辣嘅都冇乜所謂.我都唔會強求係明爐燒鵝,但係最先上嘅燒鵝竟然係凍嘅,真係令人髮指.凍嘅燒鵝皮就自然唔會脆,亦都理所當然唔會有乜野油香,而且肉鞋颯颯,真係唔知係因為隻鵝本身質素差定係因為凍晒先攞出嚟嘅關係.
蠔皇北菇炆水魚煲,其實水魚份量都幾夠.最重要既皮雖然未至於好肥美,但係起碼唔算瘦先啦.但係都係相同問題,未至於好似一開始果碟鵝咁凍,但都係有少少涼嘅.明明如果熱辣辣食嗰層皮既話咬落會好甘香,因為溫度問題又浪費咗一種食材.
最後一味餸係香辣茄子生蠔煲,有少量冬菇,極多茄子,幾隻生蠔.所謂嘅生蠔比蠔豉大少少啦,好彩一啲都唔腥,每人都分到大約兩,三隻既.不過香辣就欠奉喇.
呢個價位嚟講唔算太差,比較平嘅價錢忠實咁樣反映到比較低嘅質素.但係出面物超所值嘅餐廳何其多,我又洗乜再嚟呢一間.
Post
