留白居酒屋 (Closed)

朋友約咗我喺屯門呢間居酒屋度食吓嘢傾吓計，我哋坐咗喺舖頭外面嘅吧枱位置😊叫咗少少串燒，少少小食同埋一款主食❤️‍🔥串燒真係燒得好香口，旁邊會灑滿七味粉俾你做調味，但係其實每一串串燒嘅味道好好，都已經唔需要再調味🙈燒鮑魚都可以做到鮑魚肉唔會太咬唔開👍🏻因為其實燒鮑魚係好難做，好多舖頭都會做到好乾身又或者咬唔開，但佢哋唔會，食得出係好用心去燒蒜香燒茄子非常之多蒜頭，鍾意食蒜嘅朋友真係值得一叫，好香蒜味之餘，亦都滲晒落個茄子肉度，每一條茄子肉入口都好夠味炸雞件，呢個真係值得推介，每一舊炸雞大大嚿之餘，入口仲熱辣辣，真係做到外脆內軟又Juice嘅口感，連我朋友本身麻麻哋炸雞呢類型嘅食物都食咗好幾舊，讚不絕口😋😋海鮮炒飯，呢個又係值得推介，因為佢能夠做到飯粒分明，真係做咗唔少功夫，吵得乾身之餘入口又香，每一啖都食得出海鮮嘅味道，呢個海鮮炒飯真係唔差，一定要叫另外叫咗一杯柚子梳打同一杯玫瑰紅茶，兩杯入口都唔會太甜，亦都好清新，好啱一路食串燒一路飲