L.D.K. by Ufufu Café (新城市廣場) (Closed)

今日同朋友出沙田行街，下午六點幾開始晚餐時段。我們肚開始餓了，經過新城市廣場間LDK見好耐冇食過所以入去點餐。點知食物賣相是可以的，但食落就知食物質素明顯下降了很多。粟米墨魚餅：食落口感鬆散，粟米多過墨魚滑，只係食到粟米完全冇墨魚味。而且一碟要$52仲要係5件細細嚿的實在太貴，外面隨便一間小食店賣的都俾呢度好，不建議點。但魚餅是新鮮炸起非常燙口是值得一讚。和風鵝肝梅子意粉：一小片的鵝肝加上一堆意粉及少量磨菇，食落味道非常一般沒有特別（醬汁同12蚊店賣的即食磨菇意粉汁一樣），磨菇有明顯的草青味，應該是廚房煮的時候冇在調味時除去草青味，加上定價$138太貴，完全唔值呢個價。不建議點。脆炸大蝦伴蛋黃醬：大蝦新鮮炸起非常燙口，而外皮口感鬆脆，咬落蝦肉沒有鬆散。炸物加上蛋黃醬是錦上添花，因為炸蝦的味道會因蛋黃醬而更明顯。配上新鮮不用煮的沙律菜及蕃茄，中和炸蝦的油膩感。它是這餐飯中唯一表現最好，亦是最不會失敗的餐點。整體食物表現令人失望。幸好最後的炸蝦配沙律+蕃茄挽回少少分數。但食物明顯質素下降加上價格偏貴，所以不建議選擇在LDK用餐。因為同樣的價錢可以選擇其他更好的餐廳。