鮨芸館 (Closed)

今日係附近開會，完咗就同同事去咗成衣批發嘅地方血併，接住就嚟呢度晚飯。一坐落，店員就叫我地揀…茶杯，其實係揀一個茶杯比自己似飲茶用。睇menu嘅開頭唔係菜式名，而係寫咗呢間店背後嘅愛情故事。餐廳提供顏色筆同圓形卡仔比客人畫公仔/寫野，牆壁貼滿客人畫嘅作品，係等食物嘅時間，可以慢慢欣賞下，有d都幾有創意。我地點咗以下食物：鰻魚厚燒玉子 - 似乎係熱門菜式，食落比預期普通。牛油果軟殼蟹卷 - 正常，冇驚喜。牛肉豆腐鍋、 黑豚五花腩 - 呢兩樣都非常非常普通。餐廳環境、主題都算ok﹐但食物方面真係有進步空間。