泰亭 (Closed)

上星期同朋友去戲院睇戲, 之前未試過响Elements食飯, 見有間泰國菜就入去試試, 點了幾個菜, 除了雞翼, 通菜果d(一般茶餐廳都食到的)菜水準OK外, 其餘真係麻麻..紅咖哩牛肉尤其難入口..平時我都食羊肉, 但佢地D牛肉仲羶過羊肉, 真係好難食...仲有, 食咖哩梗係要配下飯或薄餅, 咁我地咪order一客薄餅, 平時其他泰菜館都有3-4塊一客, 佢地一客得一塊, 仲要得手掌咁大一開四..好唔抵囉。不過環境同服務員的服務都不錯, 上菜都算快, 唔使點等。食具擺設都頗有心思.但食店應該以食物為先, 希望佢地可以改善下。