PizzaExpress (荃灣廣場) (Closed)

同朋友一行兩人坐低之後就睇餐牌，計過2人餐都同單點一個Pizza 同一份意粉加埋都差唔多價錢，2人餐仲多野飲同小食，如果唔係特別想食個餐唔包嘅野點餐真係會抵食啲，咁我地就叫侍應過黎點餐，waiter 好快反應地問我地，要2人餐定4人餐，我同朋友都呆咗咁，吓，我地有4個人嗎，然後再望返waiter 完全無反應過得好正常咁等我地講要2人餐，笑咗我地好耐。講返食物，頭盤小食要咗個意式肉丸，味道唔錯，仲附有幾粒面包球，要黎點醬剛好。2人餐可以揀2個主菜，由於我地都唔太肚，點咗一個雞肉凱撒沙律，一個卡邦尼pizza。雞肉凱撒沙律菜都幾新鮮，雞肉係碎開咗嘅所以都唔太覺韌，但汁就都係同其他舖一樣，同出面嘅caesar salad sauce有啲唔同。反而個pizza 幾特別，carbonara 平時食意粉就食得多，carbonara pizza 就第一次食，首先個餅底都同平時嘅一樣鬆化薄脆，但上面就有隻流心蛋同carbonara 嘅料，蛋黃流咗出黎之後可以用批底去沾黎食，味道唔錯，值得一試。