新澳咖啡餐室 (民泰街) (Closed)

今日咁啱喺紅磡市政中心體育館度打波，google map之後發現黃埔落車行過去最近。之前亦都聽講黃埔地鐵站附近有好多美食。所以打算喺黃埔附近食個下午茶先再去打波。黃埔地鐵站落車之後，大概行左差唔多1分鐘就搵到呢一間新澳咖啡室餐室。佢門口嘅裝修同埋設計都比較華麗，令我對呢間餐廳嘅期望亦都非常之高。經過深思熟慮之後叫咗一個干炒豬扒河粉同埋熱檸水。食物方面，豬扒同河粉都幾入味，但可惜豬扒較多肥肉同河粉嘅份量又唔夠多。所以整體我認為質素只係一般。服務方面我比較唔滿意，落單嘅阿嬸態度比較惡劣。價錢方面，我覺得性價比較低，$42一個下午茶算比較貴且份量很少。