金泰子泰國餐廳 (Closed)

聽講呢間泰國野幾好食，所以就決定黎試吓佢嘅lunch。喺門口見到佢個外賣紙寫住海南雞飯$52 ，就諗住試吓食啦，嗌埋熱奶茶加$3，諗住$55啱啱好，點知個男店員話擺喺出邊嗰個餐牌係舊嘅，午餐都加咗價好耐㗎啦。於是我就問，唔加奶茶係咪$55，佢就黑晒面咁樣，嘆口氣之後話$56，因為外賣要加一蚊。其實我都係唔想唱散子，所以先問多一句，我覺得佢嘅態度可以好少少。不過，海南雞飯嘅賣相好靚，份量好多，而且超級好食。大約有十件雞再加一隻雞翼，雞肉好滑有肉汁，好好食。油飯都好香，唔會太油或者好滯，真係食到停唔到口。佢配嘅湯係蓮藕湯，好足料，有好多舊蓮藕係入面，飲落好清甜。個人認為佢嘅嘢食真係好好食，不過服務態度就一般般。