Video
Read full review
2018-05-29
27 views
平時忙足一至五，放工梗係要食餐好既慰勞下自己，於是約埋朋友一齊黎到堅尼地城食晚餐😋呢間餐廳裡面擺放左好多公仔，俾大家打卡影相。無論食物定裝飾佈置，全部都充滿夢幻氣氛，彷彿置身於童話故事之中，仲有唔少屋企人帶埋小朋友黎開餐。而且座位夠曬闊偌，坐得好舒服。除左主食，呢到仲有得食各式精緻既甜品，而呢款熊貓造型既雪糕🍦夠曬可愛，一定深受小朋友歡迎。低温火焰帶子配紅魚魚子紫薯蓉($98)呢款前菜一一共有三大粒帶子。輕煎過後既帶子外脆內軟，魚子夠曬鮮甜，底下有層厚厚既紫薯蓉。蟹膏帶子海膽拌飯(168)帶子大大舊，海膽鮮甜美味，一啲都唔腥。記得要將蟹膏同白飯完全地撈匀，味道就會岩岩好，唔會太濃同太咸。呢個絕對係重口味人士既最佳選擇。卡邦尼溫泉蛋扁意粉。夢幻版($108)我最鍾意既一道菜，剩係賣相都夠曬特別，紫紅色既意粉真係未食過。醬汁多而且濃稠，原本以為會好膩，但事實完全相反，愈食愈停唔到口，食曬成個竟然都冇膩既感覺，大大加分！食到配料有鮮甜既魚子同煙肉，口感層次豐富，令人回味無窮。最後黎返杯曲奇忌廉奶昔先，有好靚綿花糖做裝飾🌸隔離枱有個小朋友一見到綿花糖即刻心心眼，走過黎問我地可唔可以俾舊棉花糖佢
平時忙足一至五，放工梗係要食餐好既慰勞下自己，於是約埋朋友一齊黎到堅尼地城食晚餐😋呢間餐廳裡面擺放左好多公仔，俾大家打卡影相。
無論食物定裝飾佈置，全部都充滿夢幻氣氛，彷彿置身於童話故事之中，仲有唔少屋企人帶埋小朋友黎開餐。
而且座位夠曬闊偌，坐得好舒服。
除左主食，呢到仲有得食各式精緻既甜品，而呢款熊貓造型既雪糕🍦夠曬可愛，一定深受小朋友歡迎。
低温火焰帶子配紅魚魚子紫薯蓉($98)
呢款前菜一一共有三大粒帶子。輕煎過後既帶子外脆內軟，魚子夠曬鮮甜，底下有層厚厚既紫薯蓉。
蟹膏帶子海膽拌飯(168)
帶子大大舊，海膽鮮甜美味，一啲都唔腥。
記得要將蟹膏同白飯完全地撈匀，味道就會岩岩好，唔會太濃同太咸。呢個絕對係重口味人士既最佳選擇。
卡邦尼溫泉蛋扁意粉。夢幻版($108)
我最鍾意既一道菜，剩係賣相都夠曬特別，紫紅色既意粉真係未食過。醬汁多而且濃稠，原本以為會好膩，但事實完全相反，愈食愈停唔到口，食曬成個竟然都冇膩既感覺，大大加分！
食到配料有鮮甜既魚子同煙肉，口感層次豐富，令人回味無窮。
最後黎返杯曲奇忌廉奶昔先，有好靚綿花糖做裝飾🌸隔離枱有個小朋友一見到綿花糖即刻心心眼，走過黎問我地可唔可以俾舊棉花糖佢，超級可愛啊～味道方面，裡面竟然有軟蛋糕，香滑之餘，奶味濃郁👍🏻而且超多曲奇碎，又香又甜又好味😍
每款飲品都好靚好夢幻～少女心要爆發啦！
今次無食到生蠔有啲可惜😣
食物有質素，好睇又好食，可謂色香味俱全，必定有下次❤️
Post
