亞蘇爾 (新城市廣場) (Closed)

今日去咗這間亞蘇爾食下午茶，間舖已經開咗一段時間，但我是第一次幫襯，但睇個下午茶餐牌，好似加咗價，貴過以前我所睇的，所以都要忍下手只叫一個乳豬飯，都要成$162蚊，都幾貴吓，所以另一個就叫咗個平價啲嘅藥膳雞米$88，如果下午茶嚟講已經超出我預算，但一場嚟到就即管試吓，横掂未試過，餐有跟餐湯及飲品，，而我重入埋會，即刻會送個甜品木糠甜品，埋單成$276，都幾貴吓。而食物方面兩款都好食的，而且份量都足夠，唔會係細細碟嗰種。乳豬夠趣，藥膳夠味，但啲雞就有雪味，雞就嘛嘛哋。而餐飲叫咗凍咖啡及熱奶茶，咖啡就真係難飲，因為好酸吓，而奶茶就幾好飲。職員我見同啲客人有似無乜耐性咁，因我見隔離枱點餐時，可能唔多識，但個職員就好似好唔耐煩咁，但當時下更茶時段又唔係好多客，但都好似唔多願招呼人咁。