東京站日式小食餐廳 (Closed)

行經荃灣嗰頭見肚餓，咁啱見到男友大愛嘅章魚小丸子同望落幾好食嘅朱古力豆沙餅😆，一於各嗌一份啦。嗌完唔洗1分鐘，店員已經pack好啲野食俾我地。雖然唔係即叫即整，但啲野食都熱到辣口😯。先講小丸子先，大愛章魚小丸子嘅男友表示味道正正常常，冇乜特別之處🤔。我自己就覺得啲小丸子太過淋，夾都夾唔起，太易散開曬😕。食食下仲發現食到成手都係汁，因為個盒個設計太衰，啲汁係側邊縫隙漏出黎👎🏿。到朱古力豆沙餅喇，$6嘅價錢食到呢種水準嘅豆沙餅都認真唔錯😁。一咬落去都食到朱古力味，但略嫌唔夠濃味。對於唔太好豆沙味嘅我黎講，呢個豆沙餅冇乜豆沙味，幾啱我口味，但對於鐘意豆沙味嘅朋友黎講，就應該相當失色喇🤔。有機會經過下又口痕可能會再食，特登去試就不了👋🏼。