Video
Read full review
2023-07-16
64 views
<麻吉灶咖> 📍尖沙咀🔸又一人條台灣餐廳登陸K11 Artmall▪️質素正路，冇乜特別可以唔使返兜👁️🗨️見到K11 Basement 排晒長龍，好奇心驅使下就試一試呢間人氣台式餐廳。首先要一讚嘅係餐廳侍應服務態度十分之優良！！！超級親切又幫手！餐廳環境十分之好坐，係吹水打卡嘅好地方。😎👍🏼 👍🏼👍🏼食物質素就正正路路，無乜優勝之處 （誠實豆沙包），坦白講唔值得排咁耐隊。👁️🗨️鰻魚芝士蛋餅($98) — 縱觀嚟講呢個最好食 😋 蛋餅裏面有肉鬆同埋生菜餡，上面鋪鰻魚，面頭有mayonnaise做調味。不過鰻魚真係薄身咗少少 🤏🏼特製滷肉酸菜刈包 ($46) — 好味！滷肉偏細舊，同埋唔太肥嘅。酸菜好惹味 😋 餐廳仲幫我哋係廚房一開二。整體嚟講味道唔錯，可以一戰。麻吉鹽酥雞($78) — 正常發揮 😊 好食嘅！冇後悔叫咗呢個Item。（老老實實，台灣餐廳如果連鹽酥雞都做得唔好食嘅話，可以收檔。）麻吉紅燒牛肉麵($92) — 面嘅質地似係759刀削麵，質地唔掛湯 🙃 牛肉薄切切得嗰四塊，收$92。份量嚟講女仔都夠食，男士就未必。蚵仔煎配海山醬 ($78) — 我明白台灣蚵仔煎係
🔸又一人條台灣餐廳登陸K11 Artmall
▪️質素正路，冇乜特別可以唔使返兜👁️🗨️
見到K11 Basement 排晒長龍，好奇心驅使下就試一試呢間人氣台式餐廳。首先要一讚嘅係餐廳侍應服務態度十分之優良！！！超級親切又幫手！餐廳環境十分之好坐，係吹水打卡嘅好地方。😎👍🏼 👍🏼👍🏼
食物質素就正正路路，無乜優勝之處 （誠實豆沙包），坦白講唔值得排咁耐隊。👁️🗨️
鰻魚芝士蛋餅($98) — 縱觀嚟講呢個最好食 😋 蛋餅裏面有肉鬆同埋生菜餡，上面鋪鰻魚，面頭有mayonnaise做調味。不過鰻魚真係薄身咗少少 🤏🏼
特製滷肉酸菜刈包 ($46) — 好味！滷肉偏細舊，同埋唔太肥嘅。酸菜好惹味 😋 餐廳仲幫我哋係廚房一開二。整體嚟講味道唔錯，可以一戰。
麻吉鹽酥雞($78) — 正常發揮 😊 好食嘅！冇後悔叫咗呢個Item。（老老實實，台灣餐廳如果連鹽酥雞都做得唔好食嘅話，可以收檔。）
麻吉紅燒牛肉麵($92) — 面嘅質地似係759刀削麵，質地唔掛湯 🙃 牛肉薄切切得嗰四塊，收$92。份量嚟講女仔都夠食，男士就未必。
蚵仔煎配海山醬 ($78) — 我明白台灣蚵仔煎係用薯粉去做個茨再炸，同廣東菜好唔同。但係冇expect過得果5粒蠔仔（強調係蠔「仔」）🙃 食落完全冇蠔味，成個口都係薯粉茨，唔知食緊乜。（後悔之選）
黃金茄子($62)— 完全冇expect過黃金茄子可以咁難食 😞 鹹蛋調味係唔錯嘅，但勁厚嘅薯粉漿，要Lur返啲薯粉漿出黎，失望。
縱觀所有嘅肉類都係好薄同埋好少，其實做餐廳咁怕蝕錢，不如唔好做。不過價錢其實又唔係好貴，所以又嬲唔落 🤣🤣🤣 四條友，每人都係大概$1XX。尖沙咀位置方便，坐得舒服，都過得去嘅，不過未必會翻兜。
P.s. 差啲漏左講，杯草莓沙冰好好飲 😋🍓🍓🍓
草莓沙冰
0 views
0 likes
0 comments
Post
