Video
Read full review
2015-09-22
368 views
今晚約左朋友食飯，因為朋友都喺呢頭返工，所以就約收工喺長沙灣地鐵站等。去到我地就搵下附近有咩嘢食啦，行行下見到有間西餐廳，門面不算顯眼，行過睇到佢貼出嚟啲餐牌價錢唔貴、望望入面環境又唔會坐得密密麻麻，昏黃嘅燈光兼夠靜靜地可以傾下計，於是我地3個人就隨便試下啦，反正都係旨在吹吹水。店舖地方唔大，簡簡單單嘅佈置，有兩個黑板手寫上甜品餐牌和主菜餐牌，親民而又感覺舒服。睇下餐牌有咩食先，小食有好多款、精選就有豬仔骨、咸豬手同豬柳，仲有6款主菜，有多款意粉、同埋4款飯類，最重要係原來呢度有甜品食的，跟餐叫仲會平啲。菜譜雖然選擇唔算多，但係好似樣樣都係精選咁，睇食物相已經覺得好吸引，我地又有點選擇困難症，都係問問老闆娘有咩好食先，老闆娘推介穀飼法式豬扒同澳洲牛柳，但朋友都不食牛，所以我地叫左豬扒、同咸豬手試試先。 烤焗咸豬手配酸椰菜$105豬手經調味後再風乾，再用高溫烤焗，個皮好脆，肉質咸味適中，隨豬手配埋意大利陳醋，芥末，同洋蔥汁任君選擇，我個人喜歡蘸上陳醋，口味酸甜，陳醋嘅香醇更能帶出豬手咸香味道，仲可以中和食豬手嘅飽飽滯滯感覺，食多少少都唔覺膩。烤焗咸豬手配酸椰菜個價錢先$105，豬手份量
店舖地方唔大，簡簡單單嘅佈置，有兩個黑板手寫上甜品餐牌和主菜餐牌，親民而又感覺舒服。睇下餐牌有咩食先，小食有好多款、精選就有豬仔骨、咸豬手同豬柳，仲有6款主菜，有多款意粉、同埋4款飯類，最重要係原來呢度有甜品食的，跟餐叫仲會平啲。
菜譜雖然選擇唔算多，但係好似樣樣都係精選咁，睇食物相已經覺得好吸引，我地又有點選擇困難症，都係問問老闆娘有咩好食先，老闆娘推介穀飼法式豬扒同澳洲牛柳，但朋友都不食牛，所以我地叫左豬扒、同咸豬手試試先。
烤焗咸豬手配酸椰菜
$105
30 views
0 likes
0 comments
豬手經調味後再風乾，再用高溫烤焗，個皮好脆，肉質咸味適中，隨豬手配埋意大利陳醋，芥末，同洋蔥汁任君選擇，我個人喜歡蘸上陳醋，口味酸甜，陳醋嘅香醇更能帶出豬手咸香味道，仲可以中和食豬手嘅飽飽滯滯感覺，食多少少都唔覺膩。烤焗咸豬手配酸椰菜個價錢先$105，豬手份量亦都唔細，我地3個人食都可以食到飽，況且整咸豬手又要咁多功夫，賣咁嘅價錢大家又點睇?
香煎美國穀飼法式豬扒
$138
35 views
2 likes
0 comments
一放底已經聞到好香烤肉味，更驚喜的是原來有兩大塊成吋厚嘅豬扒，如果我地一個人食都未必食得晒。豬扒本身煎得已經好好，唔會太乾，再淋上了甜黃椒和黑橄欖汁，口感更豐富，色香味俱全。意粉是分開上的，拌有少少蒜蓉和橄欖油，簡單一碟意粉也絕不會馬虎。
葡汁焗西蘭花
$35
19 views
0 likes
0 comments
簡簡單單的一個小食，面頭係葡汁和一些芝士，金黃色面層焗得微微帶焦，一夾起西蘭花就有絲絲嘅葡汁包住，簡單而滿足。
意大利芝士餅
$25
10 views
0 likes
0 comments
用了仙人掌杯載上，賣相趣緻，可以感受到芝士與鮮忌廉的幼滑香濃，酒香的醇美，又有少少咖啡粉的甘苦，為今餐劃上完美的句號。
意大利奶凍
$23
26 views
0 likes
0 comments
呢個係老闆娘推介，老闆娘話呢個係佢老公出品，不計成本用上了貴價淡忌廉、雲尼拿籽，令奶凍口感幼滑，香味濃郁，配以士多啤梨醬點綴，咁好食而價錢又咁超值，真係淨係嚟食個甜品都抵。
Other Info. :
同老闆娘都好主動同客人傾計，得知原來呢度嘅大廚以前喺酒店做的，唔怪得出品都咁有水準啦，難得嘅係價錢又超值，份量十足，性價比高。仲有呢度舖頭細細，食物款式唔算多，但真係樣樣都做得唔錯，所謂貴精不貴多，呢個策略唔錯，希望老闆繼續努力，保持食物水準。
(The above review is the personal opinion of a user which does not represent OpenRice's point of view.)
Post
