星廚 (Moved) New Location

餐廳距離長沙灣地鐵站大約10~15分鐘, 感覺係一間普通茶餐廳, 只不過食 西餐jei~ 但又見好多人係鋪入面食緊, 又5洗等位~ 試下la* 點知 .... 試出驚喜來~晚餐選擇種類都幾多，樣樣齊~前菜,小食,主菜,甜品 都有~餐湯係忌廉雜菌湯~ 雖然賣相一般般, 但 飲落好滑, 好香蘑菇味仲要夠晒熱~  意式千層面 - 慢焗豬腩排配意大利陳醋香煎加拿大比目魚 蟹肉忌廉汁長通粉

因為住九龍關係,好少黎荃灣線呢頭。朋友知我鐘情餐,就約我,就帶左我黎佢成日食西餐既地方。長沙灣真係好少黎,完全唔知呢頭有乜食。呢間野都算近mtr,一出c出口行5分鐘左右就到,算係方便呢。menu都幾多野食揀呢,花多眼亂xd甜品跟餐叫好平。雜菌湯好特別,非常足料及濃郁,淡淡雜菌。豬手連意粉$108份量好足夠,朋友切極都仲有呢烤得好入味,質感鮮嫩,外皮係非常脆同熱!仲有配菜,非常飽肚。意式千層面$75平時好少食千層面呢,見呢度有得試就叫左了。面同肉醬層比例很好,面好挺身,切開好有層次,番茄,肉醬味道夠出,唔會太咸及酸。意大利奶凍$23奶凍超幼滑,入口非常creamy,奶味溶係口既感覺好正,非常推介呢個xd下次必食!燉蛋$23冰糖層好甜,燉蛋好滑身,非常重蛋味,好香。

早放工有時就係有點壞處，次次約食晚餐都要等朋友放工～所以自從轉了新工都少約了朋友平日食晚餐不過今次為左好耐無見既好友，又想發掘一下新美食地點，就一於去友人工作附近既長沙灣一嚐美食啦！！在等候友人放工既時候，我已經搜尋過OPENRICE長沙灣一帶的美食附近有之前食過的米走雞，不過今日不算太有胃口還有就看到這間大獲好評的平民茶餐廳問一下友人，大家都有興趣食下，就決定今晚在此用膳！等埋友人放工一齊行過去，餐廳外貌與一般茶餐廳無異餐廳大概容納到３０人左右吧，不過好彩時間尚算早，入到去仲有空位入到去一坐底已經有店員好好服務咁拎個餐牌比我地望到今晚Set dinner價錢一點都不貴，可能地點問題吧～每款大概100-150蚊就有交易，最貴的都只是$168但食物卻是西餐常用的選材，鵝肝﹑澳洲牛柳﹑安格斯西冷扒等等見到都流晒口水喔！！看到隔離枱主菜的份量並不細，所以我地兩個女仔決定只點一個SET DINNER，再單點一個意粉和一個小食～一個海觧黑松露醬意大利粉非常抵食，只是茶餐廳價錢，$65但用料卻不少，一碟意粉有多款海鮮，鮮蝦﹑青口﹑帶子等等，全部食落都新鮮，頗有口感！推介!!!!至於意粉味道不俗，雖

由長沙灣地鐵站行去星廚大約花10分鐘, 鋪面跟普通茶記無異, 不是有朋友食過推介佢地既脆皮猪手, 相信我也不會主動來吃.餐湯 : 南瓜忌廉湯一點不馬夫, 足料南瓜, 南瓜湯清甜, 還保留少少南瓜粒增口感, 忌廉落得不多, 渴光不漿口, 也不膩, I like it。大蝦黑松露意粉 ($63/包餐湯及餐飲)沒想過茶記格局的意粉賣相也不錯呢,大蝦爽脆, 終於不是鮮蝦, 鮮甜度欠奉, 黑松露醬落得重手, 意粉亦有嚼口, 不是我討厭腍腍的, 成碟意粉味道清爽, 這是朋友叫的主菜, 她嫌黑松露味不特出, 沒有黑松露味獨有的石油汽味, 我跟她說, 高級黑松露醬你知要多少錢 100g 嗎? 我在別家餐廳吃一球有石油汽味的黑松露雪糕要 $68, 你這個連主菜包餐湯及餐飲只須 $63, 還不用加一呢? 人家做生意也得計成本吧 烤焗咸豬手配自家酸椰菜 ($108/包餐湯及餐飲, 另加薯菜+$15)上檯睇到眼都凸埋  大隻到傻, 猪手即叩即焗,要等約20-25分鐘, 趕時間不要叫好了。那個猪手皮脆到不得了, 跟我在赤柱美利樓吃的焗猪手不相白仲, 但這裡 $ 只是其 1/3, 豬手肉鹹香夠 juicy, 就算

今天終於再來初嚐之前未能吃到的巨型豬手。為確保不會做大嘥鬼，所以跟弟來晚餐。 我們自己配搭了個3-course dinner。南瓜餐湯：餐湯先上，濃郁的南瓜湯中夾雜着半熔的南瓜粒，感覺健康及不是用粉沖的。前菜：一口牛脷：見名字有點好奇，不知味道如何，所以點了這牛舌。說是一口，但上菜時見到有四小碗，每碗有掌心大的分量(切成三四片)，毫不吝嗇。牛舌每塊都厚過1cm，上面掛著杰杰的肉汁，但汁的味道淡淡的不會蓋過牛舌肉味。分別吃到牛脷有筋的爽口部分，及軟綿綿的厚肉，牛舌味驚喜地特出，。薯蓉焗田螺：老實說，吃過連鎖店田螺的我對這碟菜的期望不大，主要是因為想吃的蟹肉春卷已賣完(註：老闆說中午已賣光)才點左這田螺。但是，想不到一碟焗田螺可有如此高的性價比!！當你以為只會有最多6粒8粒的田螺時，一上菜已見到芝士下由田螺堆成既小丘，芝士還在滋滋作響，真的好驚喜!田螺最少有12粒 (有圖有真相)，而且薯蓉很香，又幼滑又有結實的口感，很抵吃!主菜：大蝦黑松露意粉：弟說意想不到地多大蝦! 蝦與意粉比例約1.5:1 可想而知意粉中夾雜了多小少蝦，唯一美中不足的是黑松露味道不夠特出，反而被大蝦的鮮味蓋過(因為實在

話說想搵平平地飯局點，好姊妹見到PND介紹就一於去試下。餐廳細細定係唔知係咪PND介紹左，七點幾去到門口都有幾多人等緊位，友人打電話訂左七點半，不過去到長沙灣發現太難搵，搵路加摸路行左4個字，Google map有時真係唔多可靠。C2出口出左直入元州邨，穿過左元州邨過埋元州街，過多條馬路就差不多到⋯餐廳似係邨屋商場既小餐廳，天水圍人士表示好似新北江既餐廳feel！ 講返個豬手，好耐無食了多數都去德國餐廳食，呢個平民版價錢吸引賣相都幾正！實物比相大件得多呀！四個女仔都食唔晒⋯不過一分錢一分貨，皮既香脆度同韌度都係差少少，皮都有過咸同過林既感覺，但絕對對得起價錢既～·一百蚊一大個豬手仲要係即製等左20分鐘左右先有得食，加HKD 15仲有得變餐跟飯意粉薯菜食品（當然只有普通茶餐廳種類）

呢間店近我屋企, 所以星期六, 日好多時響呢度食午飯其實呢編係第二次寫同一間店, 因為上次寫個資料有地方出錯 星期日12:00左右去到, 人都幾多可能呢間野太親民, 佢地掛住同街坊傾煮餸, 無人理我等左五, 六分鐘有個靚女過黎幫我落單, 今日叫左正路既燒汁牛利飯南瓜湯: 帶少少甜, 份量以午餐黎講ok燒汁: 硬係覺得有d黑椒味蕃茄: 圖中所見有兩粒西蘭花: 圖中所見都係兩粒白飯: 大約係半碗飯多d, 份量唔係好夠牛利: 有成六,七塊, 都算係咁, 無乜雪味, 偏淋咖啡: 普普通通因為唔想食雪糕, 所以轉左意大利芝士蛋糕睇睇張單先知, 原來轉蛋糕要加$25.00上次話$15係錯既, sorry!蛋糕: 廿五蚊係有d貴, 但黎到發現個杯好大, 所以個蛋糕感覺都大d都幾軟屬, 唔太甜, 但如果滲少少酒會更好

深水埗長沙灣一帶，一向是基層的聚居地，因此附近的罎店變得大眾化、平民化，因此在下亦喜歡在附近開餐，支持一下小店。星廚位於長沙灣青山道，稍一不留神，就會錯過了這店。今晚來到星廚，有著長長的用餐區，坐在餐廳的最深入處，廚房就在咫尺。儘管今日陰陰天，帶著寒意，但是卻又阻不住食客的大駕光臨，把整個用餐區都坐滿了。打開餐牌，喔，原來是一間西餐廳，內頁第一版就是有著豬手的相片，再往下去讀，尚有牛扒豬扒魚柳等等的選擇，還有甜品選擇。每一款主菜，可以加大洋變成了一個個套餐。縱使是吃西餐的餐館，但是消費卻很大眾化，沒有天價的消費。黃黃的南瓜忌廉湯，縱然沒絲絲南瓜，但卻有滿口洋溢著南瓜細膩的味道，南瓜加忌廉，永遠都是有著稠結黐黏的在一起。芝士焗西蘭花一向是在下喜歡吃的一道菜，那爽脆的西蘭花，被那香濃的芝士焗得份外香濃，除了爽脆外，還有沾上了陣陣的濃厚芝士味覺，每一口都會有種邪惡的感覺。今晚不吃任何紅肉，只吃香煎比目魚配薯菜，從比目魚上的沙律菜，加上比目魚沾上的白汁，已經十分誘人。魚肉雖則略為結實，但卻又帶有幼滑感覺，而且內在也沒甚魚骨，不用吐骨。薯角嘛，實是像在吃著薯仔般的口感。甜品選自 tiramisu

這個世代, 什麼事都會發生 .... 主打西餐的小店竟落腳於 長沙灣 這區 ~門面跟一般茶餐廳無異, 主打西餐, 真有些難以置信的感覺 ~ 之不過, 看著門前的木餐牌, 連法式的油封鴨脾都有供應, 廚師應該頗有心的 ~Menu ~看過餐牌後, 我點了 烤焗鹹豬手配酸椰菜 $108 另加 $15 轉套餐 (包括餐湯、飯/意粉、熱飲) 餐湯 -- 南瓜湯口感奶滑濃香, 不稀也不杰, 味道清甜且帶有濃厚的南瓜味, home made style, 好喝 ~烤焗鹹豬手配酸椰菜大份又夠睇頭, 皮層香脆惹味, 咬下的一刻, 聲音清脆俐落, 油香四溢, 肉質不乾身,不嚡口也不韌, 超有嚼勁, 口感層次豐富! 配以自家製的酸菜, 多吃幾件也不會覺膩  ~  啖啖肉, 感覺多麼滿足, 超推介 !(個人意見, 若是可以把酸菜的酸提升些許的話, 會更出色)餐飲 -- 檸啡檸檬的酸味跟啡味頗匹配, 還算不俗 ~這家餐廳的食物種類多, 飲品又夠特色, 價格又便宜得叫人興奮, 可謂平、靚、正!本篇完 ~

想食附近一間餐廳休息無開, 見青山道幾間都好出名, 諗住求其一間都好穩陣.(因為是我約朋友食飯)首先向餐廳講唔好意思,我地幾個傾計好嘈.叫左幾樣野.1.慢煮陳醋汁豬(肋排還是什麼忘了)2.一個意粉 (忘了是什麼意粉)3.海鮮黃薑飯 1.坦白煮出黎個樣都幾靚但 ,3樣味道都好普通好普通.首先已經算肥的豬, 慢煮後瘦果部份仲係唔算淰,但肥果部份就肥.陳醋汁係OK 但本身夠豬肉無味, 亦都唔香.2. 意粉亦係普普通通地唔好食, 唔夠Aldente(彈),少少overcook 意粉無味, 料亦無加味先爆香3. 海鮮黃薑飯. 個飯還可以, 但係d 海鮮真係離曬譜, 雪藏烚完就擺上飯上面.海鮮量係OK. 但全部都係淡如水. 一係就用好d 料, 一係就用少少牛油同鹽煎下先.再有下次既話會試埋豬手, 都係唔得既就black list, 個樣真係靚希望加油.

母親大人一向都喜歡吃咸豬手而朋友又一直推介星廚，那我們再沒有埋由不到星廚吃一頓豬手大餐。其實星廚距離長沙灣地鐵站並不遠，但我不知為何找了很久才找到。餐廳小小，鋪面不太起眼，好采最後都找到了。當晚並不是假日，但早已滿坐，幸好等了不久便安排入座。由小食到甜品都款式多多，喜歡多款式的我單是看看餐牌便已非常興奮又期待。蘑菇多士 $28小小的多士蓋滿了蘑菇，白汁creamy再加濃濃的蘑菇香挺不俗，有點美中不足的是白汁的濕度破壞了多士香脆的口感。凱撒沙律 $55羅馬生菜爽脆鮮甜，crouton十分香脆又不油膩，煙肉的香味再加上咸香的芝士和沙律醬味道一絕! 另外一定要讚的是這沙律才$55，但份量十足而且用料絕不馬虎，沙律上大大一片的東西竟然不是煙肉，而是parma ham, 沙律醬和crouton更是自家制的。芝士焗蟹蓋 $48我們未吃這芝士焗蟹蓋已經被那焗得金黃色的芝士深深吸引著，掀開面層的芝士看到蟹肉蓋了整個蟹蓋，吃下去更是啖啖肉，蟹肉的鮮甜和煙肉的咸香相當配，還有粒粒洋蔥增加鮮甜度，滋味非常!烤焗咸豬手 $108咸豬手份量驚人，皮脆肉嫩，油脂分佈均勻，咸香得來又不油膩，再配上酸菜—起吃，味道一

吃豆腐花時偷聽到鄰座的對話, 他們說「星廚」的扒造得很靚, 究竟「星廚」是甚麼呢?  不用怕, 只要上Openrice app查證便一目了然。原來餐廳位於不遠的青山道位置, 有時候乘車會途經它。餐廳裏可以同時坐滿30人左右, 其實各人也會坐得很親蜜。晚市內主餐牌的主菜是可以額外加$15成餐, 甜品也可以優惠價選擇。是晚餐湯: 南瓜忌廉湯湯質滑順, 但加入了洋蔥碎來增加口感, 需要自己撒些胡椒及鹽來調味。小食: 蒜蓉焗田螺  $45大堆頭的份量, 一客有大小田螺約十多粒, 全被安置在薯蓉堆內, 加上蒜蓉焗製後只是遺留"惹味"兩字來。主菜: 慢焗豬腩排配意大利陳醋  $88跟上的薯菜是超大份, 全部經蒜油煎過, 包括有小蕃茄、西蘭花等等。沒想過小餐廳會賣慢煮菜式, 還有油封鴨腿呢!  一客有五厚件的豬腩排, 皮膚及邊位均是帶脆煙韌的口感, 可是中間的脂肪位卻因為經過慢煮而變得膠起, 有軟糯口感, 這是先慢煮再慢焗的效果吧, 配合意大利陳醋來吃, 甜酸不刻意是有減膩的效果。飲品: 凍檸啡 無需額外加錢, 檸檬與咖啡的味道是很夾, 不是一下子在啜第一啖時已可感覺的紛陳味道。甜品: 美國芝士餅 

據聞長沙灣有間有心小店，價廉物美。特意走了近15分鐘，去探個究竟。以為工業區沒有美食？那就大錯特錯。沿著青山道走，食肆多不勝數，cafe、粉麵店、茶餐廳，仼君選擇。最重要是，價錢十分親民。邊行邊逐一記下，來日方長，慢慢試。終於見到星廚。不起眼的門牌，牆上貼了設計得不甚吸引的餐牌。要不是友人推介，wishlist有排都未輪到它。小店照著昏暗淡黃的光，牆𤩹鋪上方形磚塊，即使掛起吊飾和相架，嘗試在佈置上花心思，仍然難掩港式西餐的氛圍。小店全場滿座，還不斷有walk-in的客人被婉拒，受歡迎程度實在誇張。沒有訂枱的我倆，幸運地等到有客人埋單。精選午餐相當抵食，$39-$48，配餐湯、熱飲和雪糕，以飯和意粉為主，都是港式茶餐廳的款式。人氣高企的主因，是價錢，是質素，還是兩樣皆是？南瓜湯是日餐湯是南瓜湯。沒有多餘的忌廉味，稱不上滑，但南瓜尤其清新，還有一絲一絲的南瓜。拿玻里豬扒飯茶餐廳的茄汁通常都偏稠，茄汁多過蕃茄，卡路里高。這個拿玻里醬汁卻用上新鮮蕃茄，沒有過多的糖，帶微酸，味道清新，還有蕃茄蓉。雖然稀稀的，把飯弄濕，但伴這個乾身微硬的飯，便剛剛好。豬扒煎得幾香，不算油膩，但肉偏乾，有少少嚡，幸

長沙灣呢區真係唔講唔知，有好多ya食嫁，今晚繼續帶住0靚仔佢周圍捐燶捐na一齊做吃貨……更加驚喜有新意既係：最近發現呢頭有家平民食市有好得既西餐食，店子小小，區位優勢，價錢認真抵，精美巧手菜竟然咁低價錢就食到，真係草根階層的大喜訊！餐廳格局佈置雖然簡簡單如普通的茶餐廳般模樣，但最幸運難能可貴的就是平民化的樸實卻更見真璋！一打開餐牌，每個菜式的價目是人人都能消費的亮眼招來！！經過一番考慮後，一口氣的點了好幾個小食：芝士焗蟹蓋48西式的賣相，少量香醋汁調味的沙律菜作伴碟，菜甜而新鮮，主打的蟹蓋焗得金黃耀眼奪目，芝士在蟹蓋面烤得香味誘人，滿滿的煙肉蟹肉絲跟洋蔥包圍在整個殼內，令人唾延欲滴。蟹肉真材實料而鮮味無窮，蟹味濃郁而丰富，很有層次和口感，每口都是滿足，每啖也是滋味，不愛也！！！！唯今天有點失準的是內涵稍凍，半暖的模樣，雖然面層已有點燶了！因為全場爆滿，大概是失準的原故吧！蟹肉春卷50炸得甘香而脆卜卜的春卷，一枝枝的盡現眼前，同樣是滿載蟹肉絲跟芝士加煙肉鮮美的內涵，熱辣辣的上桌，更驚喜的是還有蟹黃在內呢，香口卻不見得膩濟，細細條容易食，點上自家製帶青瓜細粒的濃厚沙律醬，是相當好的可口小食

My friend told me about this restaurant which make delicious French dish in economical price. So I went there to try out.The mushroom soup was very creamy and full of mushroom and broccoli flavour. The soup was smooth as well. Confit de canard came first, this dish was actually preserved duck. This dish actually needed lots of preparation, the chef needed to marinate the duck 36 hours ago with salt and garlic; then keep it in the fridge. It smell so nice when it arrived, the duck was crispy