一樂日本料理 (Closed)

之前見到網上有介紹呢間放題有生蠔，有刺身，就同朋友來一試！店內空間都算寬敞，但奇怪星期六繁忙時間竟然都無爆場既情況，後來睇餐牌就明白，因為真係唔係一般放題咁多選擇。呢度係要你用WeChat follow咗佢個account之後先可以點餐，其實都幾好，環保啲嘛。但食物種類每個category只有幾項，最多係刺身有8款左右。刺身都靚仔同埋新鮮既，我地都有encore。生蠔就要專登出去order，每人每次限一隻，真係即開既，都算新鮮，唔算好大隻但都OK！熟食方面其實都好少選擇，不過呢個牛舌串燒真係唔錯，我地叫咗幾次。呢個蒸蛋既海膽就唔多新鮮了，食咗兩啖就放棄。呢個牛筋牛腩好似煮咗好耐咁⋯⋯所以都唔好食。由於生蠔係要另加$48/位，我地每人食咗4隻左右，所以其實又唔算好抵。每人埋單$400，放題嚟講，應該多啲選擇會好啲囉。如果可以食到好多生蠔既朋友都可以一試既，因為環境無一般放題餐廳咁迫，會舒服啲。