新南苑雞煲小菜點心 (Closed)

見到呢間新南苑咁多種唔同野食，即刻叫朋友過黎一探究竟啦！有點心， 雞煲，小菜， 扒餐，仲有煲仔飯！真係應有盡有，frd想食咩都可以照帶佢過黎先慢慢諗望下個餐牌咁多選擇， 都唔知選咩食好。 咁就梗係望下周圍叫左咩餸啦， 發覺酸菜魚($138) 都幾多人叫， 個酸菜魚既兜遠遠就望到好大個。 上到黎條魚果然無令我失望，足斤足兩，魚肉非常嫩滑， 走油功夫做得好。 配料都好豐富，有黑木耳， 椰菜花， 酸菜， 薯粉等等。 叫左bb辣，應該都有譚仔5小辣， 唔食得辣既要走辣啊！另外叫左個雞煲($62), 滑雞是必須的吧， 呢度做到既。 雞肉香濃味美， 仲有幾塊豬潤係煲入面出現， 呢幾片豬潤好好食， 想叫多個豬潤煲啊， 哈~仲有加左碟蒜蓉炒菜芯($62)，夠味而唔過鹹，蒜蓉落得毫不手軟，食得出師傅功力有曬鑊氣，唔錯的！老闆(應該係？) 係我地食緊既時候都有走過黎問下我地意見， 睇得出佢係有心搞好間餐廳， 都希望佢越做越好啦