翡翠拉麵小籠包 (Closed)

呢個係小妹第一次打既食評，希望可以透過呢度同大家一起分享下食過D咩好野，又或者係俾大家對一D較遜色既食物一D警惕。呢餐係同一個好耐無見既好朋友係青衣城一齊共享的，為左就佢，我地去左青衣食，諗左好耐，最後佢決定食呢間，因為佢真係好喜歡食上海野。我一向都麻麻地鎮江肴肉，不過朋友話喜歡，就捨命陪君子啦。食落有D"鞋"，連喜歡食希肉既朋友都覺得唔係咁好食。雞湯拉麵，D麵好彈牙，我地差唔多飲哂D湯，唔錯。都明白依家物價騰貴，如果可以有多D雞肉就好啦。上菜個陣熱騰騰，醮上香滑既煉奶，真係令嗜甜同一向喜歡食銀絲卷既我忍不住要再叫多一份！朋友都估唔到我可以食咁多，哈哈！兩個大食既人決定叫多個小籠包，都算多汁，收貨！大致上食物都還可，不過服務方面就一般啦，店員既態度有待改善，有個阿姐黑口黑面咁。位與位之間既距離可以再多D，因為鄰桌有兩個小朋友，勁嘈，我地啦啦聲食埋就走人。總的來說，呢餐都係為左見下朋友，朋友食得開心，俾錢既我都覺得開心。