Video
Read full review
2019-09-08
1137 views
呢日去荃灣睇戲，所以喺呢區食埋飯，之前見到呢間cafe有啲卡通咖啡賣，都想嚟試下，同時喺訂台app發現book枱有折，所以就扑搥啦。去到發現餐廳都幾細，坐位之間好迫，不過好似有上層，望落係有裝修過下，但已經變得有點殘舊了😕，而且佢個玻璃燙門壞得好緊要，十個有九個客都唔能夠成功自行打開，此舉十分趕客👎🏿。坐低望下啲餐牌，佢有一個係a la carte menu，一個係dinner set(包飲品,但好多要再加錢)。訂台app折扣不能應用於dinner set上🤔，計完數覺得應該係set抵啲，所以就無散叫到。而且好多signature dish都只得dinner set有，即係一定焗你無得用discount，我覺得咁樣做法唔係幾好囉。食物我哋叫咗B.清新柚子X醬油雞絲炒意粉($79)，呢份意粉炒完幾深色，食得出有啲柚子味嘅🍋，雞絲量正常。不過意粉炒得太乾身同硬，呑得有啲辛苦😥。另外一款我哋叫咗C.牛乳滑蛋飛碟意粉(鮮茄意粉)($79)，原來叫飛碟🛸係因為個造型係隻炒奄列蛋🥚鋪喺意粉上面，再淋上少少蜜糖咁。入面嘅意粉就係🍅鮮茄意粉，無炒嘅咁乾身，但乜料都無好似兒童餐/茶記果種，味道正常但配埋
去到發現餐廳都幾細，坐位之間好迫，不過好似有上層，望落係有裝修過下，但已經變得有點殘舊了😕，而且佢個玻璃燙門壞得好緊要，十個有九個客都唔能夠成功自行打開，此舉十分趕客👎🏿。
坐低望下啲餐牌，佢有一個係a la carte menu，一個係dinner set(包飲品,但好多要再加錢)。訂台app折扣不能應用於dinner set上🤔，計完數覺得應該係set抵啲，所以就無散叫到。而且好多signature dish都只得dinner set有，即係一定焗你無得用discount，我覺得咁樣做法唔係幾好囉。
清新柚子X醬油雞絲炒意粉
$79
27 views
0 likes
0 comments
食物我哋叫咗B.清新柚子X醬油雞絲炒意粉($79)，呢份意粉炒完幾深色，食得出有啲柚子味嘅🍋，雞絲量正常。不過意粉炒得太乾身同硬，呑得有啲辛苦😥。
牛乳滑蛋飛碟意粉(鮮茄意粉)
$79
19 views
0 likes
0 comments
另外一款我哋叫咗C.牛乳滑蛋飛碟意粉(鮮茄意粉)($79)，原來叫飛碟🛸係因為個造型係隻炒奄列蛋🥚鋪喺意粉上面，再淋上少少蜜糖咁。入面嘅意粉就係🍅鮮茄意粉，無炒嘅咁乾身，但乜料都無好似兒童餐/茶記果種，味道正常但配埋蛋都覺得有啲寡。
炸薯絲蝦
$68
31 views
0 likes
0 comments
我哋仲叫咗個小食，炸薯絲蝦($68/5隻)，嚟到先覺得自己勁蠢，因為根本係超市自己買到嚟炸果種，超市平勁多，而且呢到炸到燶燶哋😑，完全唔好食唔值得嗌。
比利時窩夫配雪糕
$48
20 views
0 likes
0 comments
跟餐+$48叫咗份比利時窩夫配雪糕🍨，well個樣係頹到一個點，我以為係用碟上，點知係芭菲造型將所有嘢塞哂落個杯到。仲要佢果兩嚿窩夫我覺得係即食零食果啲嚟，完全無煮熱或煎過👎🏿，球雪糕係雀X果啲平平雪糕，下底就放少少生果🍓同醬落去咁。真心咁嘅質素$20都覺得比多佢。
飲品
17 views
0 likes
0 comments
到飲品就分別加$12要咗凍焦糖瑪奇朵同凍榛子朱古力，兩杯都好多冰所以好淡下，唔係好飲得出咩味...😅。最失望係原來而家間Cafe應該冇再做卡通熱飲☕️，連唯一招牌打卡點都已經冇了。
總括嚟講，間cafe令我好失望，食物質素非常麻麻，未到食唔落口，但就算下次有人請我，我都未必會再食。環境同衛生都好一般，服務就有好有唔好啦，女店員好忙但態度都ok，不過就唔係好熟menu同用餐優惠，明明我個薯絲蝦都唔係dinner set嚟，係可以有折，張單無折到，我同佢講，佢都話已經折咗，要再講多次，佢先再check下，最終先扣返☹️。其實食下食下都唔平，成$160/$170一個人，但食物嘅用料同味道同餐廳環境地區根本完全唔值呢個價👎🏿。最後連打卡嘅飲品都無埋，真係諗唔到有乜原因要嚟。
Post
