八屋 (Closed)

呢間餐廳細細，但係食物選擇多，有酒精/無酒精飲品都有，樣樣都有水準😍首先係炸雞拼盤，有3款炸雞。炸雞真係炸到好香脆，一口咬落去好juicy，好多層次嘅口感同香氣，yummy😋然後係炸軟殼蟹配蟹肉蟹籽忌廉意大利麵，軟殼蟹炸得好香脆，再加上蟹籽忌廉嘅濃郁滋味，同意大利麵嘅結合，真係一絕。甜品叫咗法式吐司配有藍莓🫐、士多啤梨🍓等水果，麵包軟綿綿，加上香濃嘅蜜糖及肉桂味，好好味。飲品方面，焙茶白玉有焙茶嘅香濃味道，配上煙靭嘅白玉，口感不錯。另一杯揀咗藍柑橘檸檬汽泡水，呢杯飲品有藍柑橘同檸檬嘅清新味道，加上汽泡水嘅氣泡感，好解渴同開胃。