HANDS - Craft Beer & Magic

Open Now

Now Closed

係太子想同朋友飲野，但係又唔想去酒吧街，今次去咗地鐵站附近嘅一間主打手工啤酒酒吧飲嘢，順便食埋飯。青檸蝶豆花蜂蜜酒（Purple Dream）用蜂蜜發酵釀造既酒，味道香甜易入口，蝶豆花帶有淡淡的木香與土味，出面酒吧少見，一定要試吓。椰子酒（Mongozo Coconut) 一上枱嘅時候好吸睛，椰子酒會即時開，然後倒入一個椰子殼杯，上面刻住Mongozo，打卡一流，味道結合左椰子嘅甜味同啤酒嘅苦澀味。脆炸蜜味啤酒單骨雞翼用咗麥啤醃製雞翼，即叫即炸，食到有陣陣麥香味，香脆之餘好多肉汁，送酒岩哂。原隻軟殼蟹芝士扁意粉軟殼蟹酥酥脆脆，蟹香味濃郁，芝士忌廉汁香濃，扁意粉掛汁能力強，每一啖意粉都食到香濃嘅芝士味。自家油封鴨腿配牛油果蓉鴨腿做法偏軟腍，一上枱已經聞到好香，鴨腿面加埋香草，增添香氣，配料今次揀咗牛油果蓉，味道清新溫和，秘製醬汁偏酸味，可以中和返油膩感。