City Art Steak．Grill (Closed)

成日聽D同事講話City Art既食物好味，而且價錢唔貴就可以食到D高quality既野，我琴日叫左我同事帶我去試下~~本身我比較少去呢D高級餐廳食野，於是我就等我同事叫菜~~佢二話不說就同我講要個法國藍龍蝦韃靼，聽個名好特別，我好好奇想知藍龍蝦係唔係藍色架呢? 我同事話呢個品種好矜貴，係法國人好鍾意食既，我好期待食物既賣相係點架呢?我見到餐廳既職員捧上呢個前菜，五顏六色好靚，藍龍蝦好爽口鮮甜，仲有牛油果夾住一齊食，同埋酸酸甜甜地既熱情果汁，即時好開胃，果然無介紹錯。之後叫左個潺菌忌廉湯暖一暖胃，平衡返岩岩前菜既味道。佢唔係一般既忌廉湯咁簡單，佢好CREAMY既，而且菌味好香好濃，飲完既菌味仲一直留係口入面。既然去到高級餐廳食，梗係試下一D平時出面唔係咁易食到既野啦~我相信呢度既羊鞍應該唔錯既，同事介紹左我食香草烤澳洲羊鞍，有少少雜菜係旁邊，羊鞍烤得岩岩好，唔韌，我就鍾意林林地淡淡肉，加埋個燒汁，好JUICY~~最後仲叫埋甜品添~係朱古力布甸呀，但係配上雲呢拿汁，感覺好似食左朱古力布甸+雲呢拿布甸咁，同時滿足哂我2個口味，唔會淨係得朱古力一種味道咁單調，但無影到相就食左喇，好好味架呢!