廚十三老壇酸菜魚 (太子集團中心) (Closed)

天氣越嚟越凍，突然間好想食辣嘢，於是朋友就帶我去食酸菜魚。呢間餐廳除咗酸菜魚之外，仲有好多款不同嘅菜式，真係花多眼亂。最後我哋點咗藤椒魚，原來二人份個份量已經好大，呢個魚唔算好辣，但比較麻，食落去好香，層次好豐富，忍唔住就咁樣飲咗好幾啖湯。魚肉嫩滑，完全冇骨，滿口都是滋味，再加配咗米線，米線完全吸收晒湯嘅味道，好出色！宮保雞丁味道好正宗，調味剛剛好，帶酸帶甜，好開胃！魚香肉絲份量亦都好大，所有食材切法都好平均，口感好豐富，個醬汁食到停唔到口，送飯一流！飲品方面正常，一路飲一路解膩，而且座位舒適，店員服務亦好貼心，成個用餐體驗好好