飯丸屋 (灣仔道) (Closed)

見到近排開多左分店，終於有一間近我即刻去試～試左最新口味 泡菜豬肉 即叫即整架！就咁睇賣相已經好吸引，好似飯團版三文治。趕時間又想飽肚又要方便，一定要買哩個。一咬落去就好似平時食嘅韓式便當，仲要一啖可以食到晒泡菜豬肉+飯。+$20配埋小食同飲品明太子薯條 薯條即叫即炸，熱到焫親手🙈薯條勁脆，個明太子醬一啲都唔孤寒俾勁多，而且超濃味，好高質！麻薯波波地瓜&紫薯，又係即炸所以勁熱。外脆內軟，咬落去非常煙韌😍豆漿胚芽 胚芽令豆漿飲落口感更好，冇冰，唔太甜剛剛好，份量亦剛好。店員好有禮貌，見我想打卡，借佢地塊木板比我一次過放晒啲嘢黎影👍🏻👍🏻👍🏻