St. Barts (Closed)

前幾日同屋企人慶祝情人節，係情人節後幾日黎到呢一間cafe食dinner，睇中間cafe最主要嘅原因係見到入面有好多花花草草嘅裝飾，同埋昏暗嘅黃色燈光，環境舒適所以就入左黎食嘢。係食物方面，我地叫左生蠔一打（$258？）好似係呢個價，平均一個生蠔都係二十蚊左右，所以我覺得抵食！生蠔肉質鮮嫩，肉汁新鮮，加上檸檬🍋汁係上面，胃口極佳。另外就係食左一個pizza（四重芝士）pizza係薄批，但係都可以食到濃濃嘅芝士味，正👍👍👍。第三個係豬仔骨加薯條🍟半份，半份都已經等於係平時午餐嘅份量，如果多人一齊食叫全份都可以朋友之間share食，豬仔骨我覺得就正常，唔係話好特別美味，反而感覺太多汁搞到食唔出啲肉味，所以我對呢個餐無咩特別留意。最後就係blueberry chess cake la！！！我覺得份量就係少嘅….一個人食兩三淡已經無左，cake同出面差不多，無咩特別，但cake都可以叫黎食嘅🫰🏻🫰🏻🫰🏻服務一流，staff知道我朋友遲黎，我問佢我可唔可以落左單遲半個鐘先出餐佢都話ok，仲同我地傾計，所以我覺得呢間餐廳值得一試呀🥰🥰🥰🥰。