圓鐵板燒 (Closed)

公司將會搬去新世紀廣場，我和同事們當然要去視察吓新環境睇吓有乜嘢食啦!行入食代館，竟然見到有鐵板燒店，價錢仲相當相宜，唔使諗即刻坐低啦！今晚揀左"牛饌" Beef Deluxe 二人套餐$738, 食物相當豐富，好吸引。鐵板炒時菜~蒜蓉油麥菜油份充足，吃起來清甜美味。餐湯~蛋花海帶麵豉湯麵豉味香濃，不錯！牛盛合~A5宮崎和牛120g/澳洲和牛120g/美國安格斯120g，份量頗多，配黑椒, 蒜粒和黑松露鹽。美國安格斯牛味濃，有咬口。澳洲和牛口感軟腍，肉味香濃。A5宮崎和牛油脂十分豐富，入口即溶，好好味呀！西京燒比目魚扒~魚皮煎得十分香脆，魚肉好白好嫩滑，加上西京燒汁好惹味。牛油燒汁阿根廷紅蝦配雜菜~紅蝦肉質鮮甜美味，蝦頭好多膏，甘香甜美，好正！牛油香煎黑椒鮑魚~肉質爽滑彈牙，鮑魚味濃，牛油味亦很香！和牛炒飯~飯粒粒粒分明，夠乾身，配入和牛粒，蛋碎和葱花，十分滋味！甜品~ 伯爵茶蛋糕和咖啡蛋糕口感軟滑，不錯。飲品~ 凍蜂蜜綠茶無論綠茶和蜂蜜味也十分香濃，冰冰涼涼，好舒服！