Le Three (Closed)

觀塘真係太多好野食啦，連放工約食飯都叫朋友黎觀塘附近😂餐廳小店經營，裝飾以希臘作主題，主要係藍同白色，食得好舒適朋友唔貴唔叫，叫左個setF😜同意大利飯，店員話加$40可以轉set，包餐湯沙律同飲品薯仔磨菇忌廉湯 賣相唔錯，舖頭好有心思咁用咗忌廉黎”拉花”，雖然個湯有啲稀(純粹個人喜好比較稠)，但用料依然好足夠，啖啖都食到粒粒香菇，尚算唔錯特色雜果沙律用料好豐富，除了應有既蔬菜外，仲有一大片哈蜜瓜、藜麥同煙三文魚🤩愈食愈開胃黑松露雜菇意大利飯 （$128+$40轉set)一上枱已經聞到陣香味，我一直覺得菇類同意大利飯好夾，果然無令我失望，啲菇令忌廉嘅味道層次更豐富，再加上芝士同羅勒葉，值得推介SetF 香煎鵝肝拼上級紐西蘭牛柳（$258）友人叫了7成熟，煮得岩岩好，不會太生亦不會太韌。鵝肝入口即溶仲要勁大舊，超滿足！但覺得可以再煎耐少少，令面層少少脆會更香口。最特別係配菜既薯蓉🤩一問之下原來係加入了紅菜頭，兩者好夾👍值得一試！