Muze Mozz (Closed)

今日去左太子同朋友飲下野，黎到酒吧街好多選擇，今次就黎左呢間muze mozz食下西班牙菜順便飲下野吹下水，價錢唔貴得黎仲有好多野食揀。Earl grey martini $108呢杯martini好適合女仔打卡，一拎上黎就好靚，帶有少少酸味好清新，女仔肯定鐘意。Yuzi basil sour $92呢杯同樣個顏色都係好吸引，有好refreshing既yuzi同lime juice，配埋一陣既小食就岩哂。伊比利亞黑毛豬火腿配黑松露三文治 $68個三文治烤得幾脆，黑松露既味道非常突出，之後火腿既咸香味再慢慢帶出，送酒一流。西班牙蒜油蝦配多士 $88呢個好好食，蝦本身肉質都算係彈牙，唔會太重雪味。蒜汁整得好好，帶有少少辣味，隔離用多士點黎食真係好正，必點之選。脆炸金文畢芝士配紅桑子果醬 $58舊舊金文畢芝士都好大舊，炸得幾好唔會太厚粉，加埋紅桑子果醬解膩。慢煮西班牙八爪魚 $188條八爪魚鬚好大條好粗，切落都要花d功夫先得，不過真係值得，食落彈牙又有海鮮味，食完成條都飽哂。