深宵食堂

Open Now

Now Closed

今次又再去多次深宵食堂！食物同之前一樣咁好食！😋同埋真係坐得好舒服，好適合同朋友過嚟聚會🔶黑松露海鮮炒烏冬（$72）：上次食完之後仲係念念不忘。烏冬炒得好香，同醬油同重點既黑松露非常夾！🔶香蒜和牛粒石鍋飯：石鍋飯係熱上，撈埋隻生蛋，帶有陣陣蛋香，非常好食！和牛粒唔會煮到好硬身，肉質岩岩好！🔶青瓜辣味螺肉：醬汁少少辣，配上爽口既螺肉，開胃一流！🔶名古屋雞翼：雞翼即叫即炸，上碟時已經好香。咬落去皮脆肉嫩，下次一定要再叫！🔶蒜燒川式茄子：茄子夠哂大條，燒得岩岩好！加埋自家製既醃料，又落重蒜茸，非常惹味！