肯德基家鄉雞 (KFC)

Open Now

Now Closed

今日早上來呢度食早餐，因為出左個薯餅烤卷。點知就賣哂，個收銀就建議我食個肉鬆烤卷，但我又唔想食。所以就食左個炒蛋早餐，配雞扒同鬆餅。我太大意啦，我唔訣得個雞扒要走汁，佢倒完我先醒起。我同佢講唔好意思，佢又同我講番對唔住啊，係我自已唔記得，佢又何罪之有呢？呢個收銀既態度唔錯，收銀服務既態度同銀座比，呢間好好多。雞扒走左汁係好食，又唔會太鹹。更唔會因為汁令到雞扒淋哂。炒蛋普通啦，我覺得有鞋口，而且蛋味唔多夠。蕃茄通粉同大記既無得比，個湯底好淡。但唔知點解，個湯會有幾多既蛋絲，不過都無乜野既。鬆餅呢個係我最愛，今次又幾好食。個餅甜甜地又脆卜卜，蜜糖又搽得好勻。呢個係今餐最好食，亦係我最期待既。凍奶茶都唔錯喔。雖然食物就麻麻，但服務令我留下深刻既印象。笑臉實有既。