星海薈﹒譽宴

Open Now

Now Closed

見有一段時間冇去飲茶，今日專程去沙田石門譽宴星海薈飲茶，鍾情呢度環境舒適而且裝修雅緻，仲有下午茶優惠，好抵食。我同家人之後點左蟹籽燒賣皇、晶瑩鮮蝦餃、菜苗餃、碧玉鮮蝦腸粉、炸蝦角、 薑汁糕、桂花蜜脆麻花、叉燒湯米。燒賣皇好足料，蝦肉混和豬肉嘅鮮味，加埋頂嘅蟹籽，食出吾同層次味道。鮮蝦餃晶瑩剔透，睇到入面隻蝦好大，食落又鮮甜。菜苗餃，清清地，冇咁heavy。蝦腸粉嘅粉皮好薄，腸粉拉得好靚，點埋指定醬油食好正。炸蝦角好惹味超香口，而且熱炙炙，好味道。薑汁糕甜度適中，加埋濃濃薑味，且質感一流。桂花蜜脆麻花就香脆可口，加上表面甜甜地嘅桂花蜜，大小朋友都搶住食。叉燒湯米叉燒半肥瘦而且用特製醬汁燒，份外好味，湯米就份量足，湯底亦夠味。